Ытыктабыллаах бэчээт уонна маассабай информация тэрилтэлэрин үлэһиттэрэ! — 1 июля 2026 г. в 07:10:54.977
Ытыктабыллаах бэчээт уонна маассабай информация тэрилтэлэрин үлэһиттэрэ! Күндү бэчээт бэтэрээннэрэ! 📰🗞️Бүгүн, от ыйын 1 күнэ – Саха сиригэр национальнай бэчээт күнүнэн итиитик-истиҥник эҕэрдэлиибит! Бэчээт уонна суруналыыстыка — уопсастыба сүрүн дууһата, олохпут сиэркилэтэ буолар. Саха суругун-бичигин төрүттээччи чулуу дьоммут бастакы төрүт тылынан тахсар бэчээти саҕалаабыт ураты күннэрэ бүгүн судаарыстыбаннай таһымҥа үрдүктүк бэлиэтэнэр. Ытык Таатта сирэ — саха уус-уран литературата төрүттэммит, улуу дьоммут Өксөкүлээх Өлөксөй, Алампа, Суорун Омоллоон үлэлээбит мааны уйата буоларын быһыытынан, суруллубут тыл күүһүн уонна суолтатын куруук үрдүктүк тутар. Биһиги улуустааҕы «Таатта» хаһыаппыт хас биирдии ыалга истиҥ доҕор буолан киирэр, улуус олоҕун күннэтэ суруйар уонна ийэ тылбыт сайдарын, чэчириирин хааччыйар. Суруналыыстар, кэрэспэндьиэннэр, бэчээтчит сыралаах үлэһиттэрэ — хаһан баҕарар былаас уонна норуот икки ардыларыгар кытаанах тирэх, тутаах ситим буолаҕыт. Эһиги сыралаах үлэҕит олохтоохторбут сомоҕолоһууларыгар, улууспут айар-тутар үлэтин сырдатыыга сүдү суолталаах. Ураты истиҥ махтал тылларын бэчээт эйгэтигэр олохторун анаабыт ытык бэтэрээннэрбитигэр тиэрдэбит. Эһиги уопуккут, сатабылгыт уонна идэҕитигэр бэриниилээх буолуугут эдэр көлүөнэ суруналыыстарга куруук үрдүк холобур буолар. 🪶Суруйар баҕаҕыт намыраабатын, билиигит хаҥаатын, бөрүөҕүт сыппаабатын, сонуҥҥут мэлдьи сэргэх буоллун, ааҕааччыгыт кэккэтэ хаҥаатын. 📲МАХ|