Таатта хорсун уолаттарыгар — Ийэ дойду үрдүк наҕараадалара — 29 июня 2026 г. в 10:11:53.972
Таатта хорсун уолаттарыгар — Ийэ дойду үрдүк наҕараадалара 🎖️Бүгүҥҥү Таатта улууһун дьаһалтатын планеркатын саҕаланыыта олус долгутуулаах уонна үтүө түгэннэртэн саҕаланна. Анал байыаннай дьайыы толоонугар Ийэ дойдуларын көмүскэлигэр олохторун толук уурбут хорсун буойун уолаттарбыт чугас дьонноругар үрдүк судаарыстыбаннай наҕараадалар туттарылыннылар. Таатта улууһун баһылыгын бастакы солбуйааччыта Руслан Захаров “Эр санааланыы” уордьана (Орден Мужества посмертно) Петр ИОВЛЕВКА (Игидэй нэһилиэгэ), Данил АНДРОСОВКА (Орто Амма нэһилиэгэ), Алексей БЕХТЮЕВКА, Иван ТАТАРИНОВКА, Дмитрий СЕДАЛИЩЕВКА кинилэр төрөппүттэригэр туттарда. 🎖️ Ону тэҥэ, Иннокентий БАБАНОВКА «Хорсунун иһин» 2-с истиэпэннээх мэтээл (Медаль «За отвагу» II степени) туттарылынна. 👨👩👧👦 Маны сэргэ, хорсун уолаттарбыт Петр Иовлев, Данил Андросов уонна Дмитрий Седалищев төрөппүттэригэр улууспут аатыттан муниципальнай "Төрөппүт иэһэ" (Родительский долг) бэлиэтин туттардылар. Бу бэлиэ – дойду иннигэр оҕолорун сүтэрбит төрөппүттэр дириҥ кутурҕаннарын уонна кинилэр иитэн таһаарбыт уолаттарын хорсун быһыытын ытыктабылын кэрэһилиир. Таатта улууһун баһылыгын махтал суруга Уһук Илин федеральнай уокурук госпитальларыгар волонтердар хамсааһыннарын координатора, биир дойдулаахпыт, үтүө санаалаах, күүстээх дьулуурдаах Агафья Ионоваҕа туттарылынна. Агафья Петровна уолаттарбытыгар көмөлөһүүгэ, кинилэри өйөөһүҥҥэ күнү-түүнү аахсыбакка үлэлии сылдьара улуус дьонугар-сэргэтигэр улахан киэн туттуу буолар. Хорсун буойуннарбыт сырдык ааттара мэлдьи тыыннаах! Кинилэр дьиэ кэргэттэригэр улуус бары олохтоохторун аатыттан дириҥ кутурҕаммытын уонна ытыктабылбытын тиэрдэбит. 📱МАХ