🚜🌾 ОТ ҮЛЭТИН КЭМИГЭР УМАТЫГЫ БИЭРЭР БИИР КЭЛИМ БЭРЭЭДЭК КИЛЛЭРИЛЛЭР — 8 июля 2026 г. в 13:38:59.663
🚜🌾 ОТ ҮЛЭТИН КЭМИГЭР УМАТЫГЫ БИЭРЭР БИИР КЭЛИМ БЭРЭЭДЭК КИЛЛЭРИЛЛЭР Саха Өрөспүүбүлүкэтин Бырабыыталыстыбатын Бэрэссэдээтэлин бастакы солбуйааччыта Дмитрий Садовников ВКС (видеоконференцсвязь) нөҥүө ыыппыт мунньаҕын кэнниттэн, өрөспүүбүлүкэни уматыгынан хааччыйыы боппуруостарыгар оперативнай штаб дьаһала таҕыста. 🌿Бу сүнньүнэн, бүгүн, от ыйын 8 күнүгэр, Таатта улууһун баһылыгын бастакы солбуйааччыта Руслан Захаров, тыа хаһаайыстыбатын управлениетын начальнига Гаврил Кычкин уонна нэһилиэктэр баһылыктара кыттыылаах сүбэ мунньах ыытылынна. Мунньах түмүгүнэн от уонна атырдьах ыйдарыгар оту бэлэмнээһин хампаанньатын кэмигэр тыа хаһаайыстыбатын бородууксуйатын оҥорооччуларын уматыгынан (ГСМ) хааччыйыыга биир кэлим бэрээдэк киллэрилиннэ. Тыа хаһаайыстыбатын таһынан, оперативнай штаб олох-дьаһах атын эйгэлэрин уматыгынан хааччыйыы боппуруостарын көрдө. Сүрүн болҕомто коммунальнай тэрилтэлэргэ уонна нэһилиэктэр олохторун-дьаһахтарын этэҥҥэ хааччыйар атын тэрилтэлэргэ эмиэ ууруллар. Мунньах түмүгүн таһааран, Руслан Захаров оперативнай штаб үлэтэ күннэтэ кытаанах хонтуруолга тутуллуоҕун бэлиэтээтэ. 📲МАХ|