Күндү ытык Таатта олохтоохторо, ыалдьыттар! — 7 июля 2026 г. в 23:50:44.130
Күндү ытык Таатта олохтоохторо, ыалдьыттар! 🧑🧑🧒🧒🌿Муниципальнай оройуон дьаһалтатын уонна тус бэйэм ааппыттан эһигини бу олус истиҥ, сырдык уонна уйгулаах бырааһынньыгынан — Дьиэ кэргэн, таптал уонна бэриниилээх буолуу аан дойдутааҕы күнүнэн ис сүрэхпиттэн эҕэрдэлиибин! Дьиэ кэргэн — хас биирдии киһи олоҕор саамай сүрүн тирэҕэ, сылаас уйата, таптал уонна өйдөһүү ытык биһигэ буолар. Саха норуотугар былыр-былыргыттан ыал буолуу, аал уоту харыстааһын уонна кэнчээри ыччаты иитэн таһаарыы саамай үрдүк суолталаах. Түмсүүлээх, күүстээх дьиэ кэргэннэрдээх улуус уонна судаарыстыба мэлдьи сайдар, чэчириир. Бу үөрүүлээх күн бэйэлэрин мааны олохторунан оҕолоругар, сиэннэригэр чаҕылхай холобур буола сылдьар үгүс сылларга бииргэ олорбут ытык бэтэрээн ыалларбытыгар, элбэх оҕолоох далбар дьиэ кэргэттэрбитигэр уонна саҥа ыал буолан кэскиллээх олоҕу төрүттээбит эдэр ыалларбытыгар ураты истиҥ махталы тиэрдэбит. Эһиэхэ хас биирдиигитигэр баҕарабын уостубат истиҥ тапталы, мэлдьи өйдөһүүнү, кытаанах чэгиэн туругу уонна этэҥҥэ буолууну! Хас биирдии дьиэҕэ аал уотуҥ сылааһа өрүү күлүмнүү умайдын, оҕо үөрбүт чаҕылхай куолаһа дуорайдын, уйгу-быйаҥ олох мэлдьи арыаллаатын! Таатта улууһун баһылыга Айаал Бурцев 📲МАХ|