🪨КЭБЭЭЙИ ТААСТАРЫН КЫАЙБЫТ БООТУР — 5 июля 2026 г. в 06:11:42.833
🪨КЭБЭЭЙИ ТААСТАРЫН КЫАЙБЫТ БООТУР Кэбээйи сиригэр ыытылла турар Олоҥхо Ыһыаҕын-2026 чэрчитинэн ураты, дьиҥнээх модун күүстээхтэри быһаарар «Кэбээйи таастара» диэн таас көтөҕүүтүн күрэхтэһиитэ олус тыҥааһыннаахтык буолан ааста. Күрэc олус уустук усулуобуйалаах: кыттааччылар барыта 50 кг саҕалаан 140 кг диэри ыйааһыннаах 5 улахан тааһы анал үрдүк долбуурдарга көтөҕөн уурдулар. Бу эр киһиттэн муҥура суох күүһү, мындыр сатабылы уонна сымсаны эрэйэр күрэскэ биир дойдулаахпыт, Тааттабыт күүстээҕэ, модун боотурбут Виктор Докалов бэйэтин уһулуччулаах күүһүн уонна дьулуурун көрдөрөн, барыларын куоһаран чаҕылхай кыайыыны ситистэ! Кини саамай түргэн бириэмэ иһигэр таастары барытын этэҥҥэ өрө көтөҕөн уурда. Ытык Тааттабыт албан аатын өссө төгүл өрөспүүбүлүкэ таһымыгар чаҕылхайдык сураҕырдыбыт Виктор Докаловка ис сүрэхпититтэн истиҥ махталы уонна итии эҕэрдэни тиэрдэбит! 📲МАХ|