🎓ТААТТА СААМАЙ БАСТЫҤ ҮӨРЭНЭЭЧЧИЛЭРИН ЧИЭСТЭЭТИЛЭР: 27 медалист олох киэҥ аартыгар үкт... — 29 июля 2026 г. в 11:05:23.589
🎓ТААТТА СААМАЙ БАСТЫҤ ҮӨРЭНЭЭЧЧИЛЭРИН ЧИЭСТЭЭТИЛЭР: 27 медалист олох киэҥ аартыгар үктэннэ Бүгүн, от ыйын 29 күнүгэр Таатта улууһун дьаһалтатын мунньахтыыр саалыгар орто оскуоланы туйгуннук үөрэнэн, кыһыл уонна үрүҥ көмүс мэтээлинэн бүтэрбит бастыҥ выпускниктары эҕэрдэлээтилэр. 🎓Быйыл Тааттабыт 11 выпускнига кыһыл, оттон 16 выпускнига үрүҥ көмүс мэтээллээх оскуолаларын ситиһиилээхтик бүтэрэн, олох киэҥ аартыгар үктэннилэр. Оскуоланы бүтэрээччилэри улуус баһылыгын социальнай боппуруостарга солбуйааччыта Никифор Жерготов истиҥник эҕэрдэлээтэ. Кини улуус киэн туттар оҕолоругар салгыы Үрдүк үөрэх кыһаларыгар дьулуурдаахтык, кыһамньылаахтык үөрэнэн, идэни ситиһэллэригэр баҕа санаатын тиэртэ уонна Махтал суруктары туттарда. СӨ Ил Түмэн депутата Виктор Лебедев аатыттан кини итэҕэллээх киһитэ Егор Ноенохов үтүө тыллары этэн туран, хас биирдии медалиска 10 000 солкуобайдаах именной стипендияны туттарда. Бу үтүө үгэс бэлиэр 8-с сылын утумнаахтык тэриллэр. Маны таһынан, Виктор Николаевич Биир кэлим эксээмэни (ЕГЭ) саамай үрдүк баалга туттарбыт икки медалист үөрэнээччигэ уонна кинилэр учууталларыгар тус бэйэтин анал бириэмийэтин бэлэхтээтэ! 🎓 Медалистар ааттарыттан харда тылын Н.Д. Неустроев аатынан Уус Таатта орто оскуолатын выпускнига Алена Колодезникова этэн туран, куруук өйүүр мааны учууталларыгар, күн күбэй төрөппүттэригэр уонна куруук көмөлөһөр депутат Виктор Николаевичка ис сүрэҕиттэн махтанна. Тааттабыт сайдар кэскилин түстэһэр бастыҥ оҕолоругар мэлдьи ситиһии, сырдык суол уонна чаҕылхай кыайыылар арыаллаатыннар! Төрөөбүт сиргит алгыһа өрүү харысхал буоллун! Уруй-айхал! Этэҥҥэ сылдьыҥ, ситиһиилээхтик үөрэниҥ! 📲МАХ|