САХА СИРИН БАСТАКЫ ПРЕЗИДЕНЭ МИХАИЛ ЕФИМОВИЧ НИКОЛАЕВ ОЛОХТОН ТУОРААБЫТА ҮС ТӨГҮРҮК СЫЛ... — 4 августа 2026 г. в 02:12:15.743

САХА СИРИН БАСТАКЫ ПРЕЗИДЕНЭ МИХАИЛ ЕФИМОВИЧ НИКОЛАЕВ ОЛОХТОН ТУОРААБЫТА ҮС ТӨГҮРҮК СЫЛЫН ТУОЛЛА   Бүгүн Саха Өрөспүүбүлүкэтин бастакы Президенэ Михаил Ефимович Николаев олохтон туораабыта үс төгүрүк сылын туолла.  Таатта улууһун дьаһалтатын бэнидиэнньиктээҕи былаанныыр мунньаҕын М.Е. Николаев олорон ааспыт олоҕун кэрчиктэрин ахтыыттан саҕаланна. П.А. Ойуунускай аатынан Чөркөөхтөөҕү Судаарыстыбаннас түмэлин директора Михаил Аржаков бастакы президент Сахабыт сирин сайдыытыгар суолтатын, Тааттаҕа кэлэ сылдьыбыт суолталаах түгэннэрин сыһыары тутан киэҥ иһитиннэриини оҥордо.   Михаил Ефимович Николаев аныгы кэмҥэ үктэниигэ бөҕө-таҕа, булгуруйбат акылаат ууран Сахабыт Сирин сайдыытыгар үгүс кылаатын киллэрбит үгүс үтүөтүн салгыы сайыннарар аналлаахпыт. Үтүө киһи, улуу салайааччы үгүс баҕа санаата олоххо киириэҕэ диэн бигэ эрэллээхпит.