УЛУУС БАҺЫЛЫГА ҮӨРЭХ ДЬЫЛЫН КӨРСӨ БЭЛЭХ ТУТТАРДА — 1 сентября 2026 г. в 00:01:05.578
УЛУУС БАҺЫЛЫГА ҮӨРЭХ ДЬЫЛЫН КӨРСӨ БЭЛЭХ ТУТТАРДА Бүгүн Ытык Күөлгэ А.Е.Кулаковскай – Өксөкүлээх Өлөксөй скверигэр Бүтүн Арассыыйатааҕы «Собери ребенка в школу» уонна СӨ үлэҕэ уонна социальнай сайдыыга министиэристибэтин Тааттатааҕы нэһилиэнньэ социальнай көмүскэлин кэлим киинин көҕүлээһининэн «Лавка добра» акциялар ыытылыннылар. Оскуола боруогун бастакы хардыылыыр үөрэнээччилэри улуус Аҕа баһылыга Айаал Бурцев, Тааттатааҕы нэһилиэнньэ социальнай көмүскэлин кэлим киинин салайааччытын солбуйааччы Елена Дедюкина эҕэрдэлээтилэр. Үөрүүлээх тэрээһиҥҥэ анал байыаннай дьайыы кыттыылаахтарын оҕолоругар улуус дьаһалтата, «Биир ньыгыл Россия» партия чилиэттэрэ «Айар» кинигэ кыһата оҥорон таһаарбыт оҕо өйүн сайыннарар бородууксуйааларыттан хомуллубут бэлэҕи туттардылар.