🌾🍂 «КӨМҮС КҮҺҮН – 2026»: Өлгөм астаах атыы-тутуу дьаарбаҥката
🌾🍂 «КӨМҮС КҮҺҮН – 2026»: Өлгөм астаах атыы-тутуу дьаарбаҥката Бүгүн, балаҕан ыйын 19 күнүгэр, Ытык Күөлгэ А.Е. Кулаковскай – Өксөкүлээх Өлөксөй сквергэ үгэскэ кубулуйбут «КӨМҮС КҮҺҮН – 2026» күһүҥҥү атыы-тутуу дьаарбаҥката ыытылынна. 🏛 Дьаарбаҥка арыллыытыгар Таатта улууһун баһылыга Айаал Бурцев, Таатта нэһилиэк баһылыга Егор Павлов уонна улуустааҕы тыа хаһаайыстыбатын управлениетын начальнига Гаврил Кычкин кыттыыны ыллылар. Кинилэр мустубут бар дьоҥҥо, тыа хаһаайыстыбатын туруу үлэһиттэригэр уонна атыылааччыларга сылаас, истиҥ эҕэрдэ тылларын тиэртилэр. 🛍 Дьаарбаҥкаҕа улууспут бастыҥ хаһаайыстыбалара, фермердэрэ уонна биирдилээн олохтоохторо бэйэлэрин өлгөм астарын таһаардылар. Олохтоохтор уонна ыалдьыттар дьарбааҥкаҕа көхтөөхтүк сылдьан, араас күрэхтэргэ кыттан, сибиэһэй олохтоох бородууксуйаны атыылаһан, кыһыҥҥы хаһаастарын хаһааннылар. 📲МАХ|