ҮҤКҮҮЛЭЭХ КЭРЭ ТҮҺҮЛГЭҔЭ: ИЙЭЛЭЭХ КЫЫС
ҮҤКҮҮЛЭЭХ КЭРЭ ТҮҺҮЛГЭҔЭ: ИЙЭЛЭЭХ КЫЫС 💫Дьокуускай куоракка Аксинья уонна Наталья Посельскаялар ааттарынан Балет оскуолатыгар VI Өрөспүүбүлүкэтээҕи «Ийэлэр – кыргыттар» ("Матери - дочери”) күрэхтэһии буолан ааста. Бу кэрэ тэрээһин Аан дойдутааҕы Кыргыттар күннэригэр уонна Саха Өрөспүүбүлүкэтигэр Ийэ күнүгэр ананан, көлүөнэлэр ситимнэрин уонна кэрэ көстүүнү бэлиэтээтэ. Бу күрэс СӨ Үлэҕэ уонна социальнай сайдыыга министерствотын уонна «Арассыыйа ийэлэрэ» уопсастыбаннай хамсааһын Саха сиринээҕи отделениетын көҕүлээһиннэринэн ыытылынна. Тэрээһин сүрүн сыала — дьиэ кэргэн төрүт сыаннастарын бигэргэтии, ийэ уонна кыыс оҕо ситимин өссө ордук күүһүрдүү буолар. 💫Күрэскэ Таатта улууһуттан орто бөлөххө (10–13 саастаах оҕолордоох ийэлэргэ) Лена Ильинична Афанасьева уонна кини кыыһа Виктория бэйэлэрин ис киирбэх, кэрэ үҥкүүнэн арыалламмыт толорууларынан дьүүллүүр сүбэ уонна көрөөччүлэр биһирэбиллэрин ылан, 1-кы истиэпэннээх Лауреат үрдүк аатын ситистилэр. Афанасьевтар дьиэ кэргэттэрин бу өрөгөйдөөх суолталаах кыайыыларынан ис сүрэхпититтэн эҕэрдэлиибит! Сценаҕа көрдөрбүт сылаас эйгэҕит, кэрэ сыһыаҥҥыт дьиэ кэргэҥҥитин өрүү угуттуу турдун, дьиэҕитигэр куруук мичээр уонна дьол-соргу тосхойдун! 📲МАХ|