95 яшь – олуг, хөрмәткә лаеклы юбилей. Нәкъ менә шундый кешеләрне бәхетле картлыкта гом... — 30 мая 2026 г. в 02:59:13.092
95 яшь – олуг, хөрмәткә лаеклы юбилей. Нәкъ менә шундый кешеләрне бәхетле картлыкта гомер кичерә, дип әйтәләр. Авылыбызда озын гомерле кешеләргә хөрмәт күрсәтү күркәм традиция булып дәвам итә. Нөркә авылында гомер кичерүче Миннинур апаның бүген 95 яшьлек олы юбилее. Яшьлеге авыр сугыш еллары белән бәйләнеп, шактый нужалар аша узса да, Миннинур апа михнәтләргә бирешмичә, хәзерге тыныч, мул тормышка кадәр килеп җиткән хөрмәтле тыл ветераннарыбызның берсе. 95 яшькә кадәр яшәү һәркемгә бирелми, юбилярыбыз һәр туган таңын изге догада каршылап, тыныч картлыгының рәхәтен күреп яши. Миннинур апа –Нөркә урта мәктәбенең лаеклы пенсионеры. Озак еллар намуслы хезмәте белән нәтиҗәле эш барышына зур өлеш керткән лаеклы ветераныбыз. Балалары, оныклары, туганнары терәгендә бүгенге көндә сый хөрмәттә яши ул. Миннинур апа!!! Сезне зур күркәм юбилеегыз белән чын күңелдән котлыйбыз!!! Ходай биргән көннәрне шулай безне, балаларыңны , өныкларыңны шатландырып яшәргә язсын!!!