Тускайлаттынган шериг операциязынга маадырлыы-биле бажын салган Бии-Хем кожуундан Белек... — 4 сентября 2026 г. в 15:17:40.445
Тускайлаттынган шериг операциязынга маадырлыы-биле бажын салган Бии-Хем кожуундан Белекпен Чаян Эдуардовичтиң чырыткылыг адынга тураскааткан республика чергелиг Хүреш маргылдаазы болуп эрткен. Маргылдаа тускай күрүне чергелиг ат чок мөгелер аразынга болган. Кол эттирикчилери болгаш деткикчилери- Маадырның ада-иези Эдуард Николаевич биле Людмила Кара-ооловна болгаш чоок кижилери. Чаян Эдуардович хөй ажы-төлдүг өг-бүлеге төрүттүнген, школаны Туран хоорайга дооскан. Ол спортка сундулуг,биче сеткилдиг, дидим чүректиг,улугну улуг деп , бичени биче деп хүндүлеп билир чораан. Ол 20 харлыында тускайлаттынган шериг операциязынга шериг албан-хүлээлгезин күүседип тургаш чырык өртемчейден чарлып чоруткан. Республиканың аңгы-аңгы кожууннарындан 64 шыырак мөгелери, тыва хүрештиң аарыкчыларын, бии-хемчилерни өөртүп, чараш маргылдааны көргүскеннер. Түңнелинде Таңды кожууннуң аныяк мөгези Монгуш Мерген шүүлген (шаңналы 100 000 акша) , ооң чаңгыс чер чуртуу Таңдыдан Оюн Тайлун үжүүрлешкен (шаңналы 50 000 акша). 3-4-кү шаңналдыг черлерде Сүт-Хөл кожуундан Ооржак Артыш база Чөөн-Хемчиктиң мөгези Монгуш Орлан (шаңналдары 25 000 акшалар). Донецк хоорайда шериг албанныгларны деткиир чаңгыс аай координация төвүнүң (ЧКТ) удуртукчузу Маады Владислав Геннадьевич маадыр оглувус Белекпен Чаян Эдуардовичтиң ада-иезинге байырын чедирген. Бии-Хем кожууннуң удуртулгазының мурнундан маргылдааны деткип келген мөгелерге болгаш аарыкчыларга четтиргенивис илереттивис!