Тарлаг сумузунуң көдээ культура бажыңынга чылдың эртип турар “Ретро шлягер” деп ыры мөө...
Тарлаг сумузунуң көдээ культура бажыңынга чылдың эртип турар “Ретро шлягер” деп ыры мөөрейи болуп эрткен. Мөөрейни Чаңгыс демниг катыжыышкынының хүнүнге тураскааткан. Тарлаг сумузунуң культура ажылчыннары болаш удуртулгазы ук мөөрейни чылдың-на организастап, бедик деңнелге этирип турарлар. Кожууннуң шупту суурларындан болгаш Туран хоорайдан чогаадыкчы уран-коллективтер талантызын көргүзүп ийи ыры ырлааннар. Дүрум аайы-биле Ада-чурт дугайында болгаш хостуг темага ырыларны бараалгааннар. Бирги черни Уюк сумузунуң көдээ культура бажыңы алган, удуртукчузу Билзек Николаевна. Ийиги черге Шивилиг арбанындан дуэт “Гармония” төлептиг болганнар. Үшкү черни Аржаан сумузунуң “Энелер” деп хоочуннар бөлүүнүң база бир идекпейлиг киржикчизи Вера Пальджатовна Кужугет алган. Мөөрейниң киржикчилери Шаңнал бижиктери-биле болгаш суй белектер-биле шаңнатканнар.