ДОБРОЕ ДЕЛО №20. Бэрдьигэстээх социальнай дьиэтин олохтоохторо
ДОБРОЕ ДЕЛО №20. Бэрдьигэстээх социальнай дьиэтин олохтоохторо Улууспут 95 сааһын көрсө ыытыллар "95 үтүө дьыала" акцияҕа көхтөөх кыттыы салҕанар. Бэрдьигэстээх социальнай дьиэтин олохтоохторо ( инвалидтар, доруобуйаларынан хааччахтаах дьоннор) Сэмэн уонна Соппуруон Даниловтар сквердэригэр отонноох талахтары олортулар. Атырдьах ыйын 22 күнүгэр социальнай дьиэ ахтыыбынай олохтооҕо Таисия Васильевна Гаврильева көҕүлээһининэн Сэмэн уонна Соппуруон Даниловтар сквердэригэр сэлиэнньэбит биир бастыҥ тиэргэннээх, туруу үлэһит, оҕуруотчут Евдокия Васильевна Чемезоваттан отонноох мастары Обутова Клара Саввична өйөөһүнүнэн, Оксана Егоровна Абрамова массыынатынан икки сырыы оҥорон олордуу буолла. Евдокия Васильевна ис сүрэҕиттэн баҕаран туран маннык үүнээйилэри биэрдэ: боярышник, бузильник, тиноха, горец изменчивый, зопник, окопник, черемуха... Дьиэ олохтоохторо ким кыахтаах тахсан яма хаһан, уу таһан, кутан, кумах таһан көмөлөстүлэр. Туораттан эдэр ыччаттар кэлэн көмөлөспүттэрэ хайҕаллаах суол. Онон тапталлаах Бэрдьигэстээхпит Сэмэн уонна Софрон Даниловтар сквердэрэ өссө биир кэрэхсэнэр сир буоларыгар эрэллээхпит. Кыттыспыт дьоҥҥо барыларыгар улахан махталбытын тириэрдэбит.