Ытыктабыллаах аҕа саастаах дьоммут!
Ытыктабыллаах аҕа саастаах дьоммут! Эһигини, үөрүүлээх уонна ытык суолталаах күнүнэн – Аҕа саастаах дьон күнүнэн «Бэрдьигэстээх нэһилиэгэ» тыа сирин түөлбэтин дьаһалтатын аатыттан уонна тус бэйэм ааппыттан ис сүрэхпиттэн итиитик-истиҥник эҕэрдэлиибин! Бу күн – эһиги олоххут муудараһын, үлэҕит сыратын, нэһилиэкпит сайдыытыгар киллэрбит сүҥкэн кылааккытын билинии күнэ. Эһиги – олоҕу көрбүт, элбэххэ үөрэммит, уопуттаах, кэлэр көлүөнэҕэ сүбэ-ама буолар, олохпут тирэҕэ буолаҕыт. Эһигини холобур оҥостон, эдэр ыччат үлэҕэ-хамнаска, олоххо дьулуһууга уһуйуллар. Биһиги эһиги үтүө сүбэҕитин, олох уопутунан салайтаран, нэһилиэкпитин өссө сайыннарарбытыгар толук оҥостобут. Нэһилиэкпит общественнай олоҕор көхтөөхтүк кыттан, эдэр ыччаты кытта алтыһан, биһиги уопсастыбабыт күүстээх буоларыгар көмөлөһөҕүт. Бу кэрэ-бэлиэ күн эһиэхэ чэгиэн доруобуйаны, уһун уонна дьоллоох олоҕу, чугас дьоҥҥут тапталларын, ытыктабылларын, эйэлээх олоҕу баҕарабын! Өрүү үөрэн-көтөн, сырдык санаанан, дьоһуннук олорон, оҕолоргут, сиэннэргит үөрүүлэригэр үтүө сүбэһит, тапталлаах эбэ, эһэ буолан сылдьаргытыгар баҕарабыт! Бэрдьигэстээх нэһилиэгин баһылыга Алексей Аргунов