Бүгүн Уус Алдан улууһугар үлэлиибин — 16 июля 2026 г. в 05:14:38.544
Бүгүн Уус Алдан улууһугар үлэлиибин Култуура сылын чэрчитинэн былааннаммыт үлэ иитинэн култуура үлэһиттэрин кытта көрсөн, үлэни-хамнаһы көрөбүт. Ол курдук, бастакынан Ленскэйдээҕи судаарыстыбаннай «Доҕордоһуу» история-архитектура түмэлин үлэһиттэрин кытта көрүстүм. Түмэл дойду историятын үөрэтэр-тарҕатар, дьоҥҥо-сэргэҕэ билиһиннэрэр киэҥ үлэни ыытар. Үлэһиттэр түмэл өр сылларга бөҕө-таҕа турарын туһугар өрөмүөн наадатын эттилэр, оҕолору түмэлгэ сырытыннарарга, таһарга кыһалҕалар баалларын бэлиэтээтилэр, тэрилтэлэргэ инники сылларга үп-харчы көрүллүүтүн туһунан ыйыттылар. Туһааннаах ыйытыыларга хоруйдаан, дойдуга ханнык бырагыраамаларга кыттыахтарын сөбүн кэпсээтим, сүбэ-ама биэрдим. Дириэктэр Айым Охлопков түмэл тутууларыгар туох саҥардыы үлэтэ ыытылла турарын көрдөрдө, инники былаанын кэпсээтэ. Салгыы «Мичээр» сынньалаҥ киинигэр тиийдибит. Манна быйыл саҥа тэриллэри ыларга диэн «Культура малой Родины» федеральнай бырайыагынан 700 тыһ солк кэриҥэ көрүллүбүтэ үөрдэр. Былырыын бу кииҥҥэ «Экстра Синема» киинэ саалата аһыллыбыта. Уус Алдаҥҥа айаммыт салҕанар. Афанасий Ноев