Саха тыйаатырын 120-с үбүлүөйдээх айар дьыла «Түүл уҥуор кытыла» премьератынан ситиһиил... — 13 июля 2026 г. в 04:03:40.603
Саха тыйаатырын 120-с үбүлүөйдээх айар дьыла «Түүл уҥуор кытыла» премьератынан ситиһиилээхтик түмүктэннэ! Үс күн устата толору сааланы муспут испэктээги бэҕэһээ астына-дуоһуйа көрдүм. Тыйаатыр умнуллубат уобарастары айан, көрөөччү дохсун ытыс тыаһынан доҕуһуоллатан, саҥа испэктээк барыбыт кутун-сүрүн тутта, артыыстарбыт сүдү талааннарын өссө биирдэ дьоҥҥо-сэргэҕэ, көрөөччүлэргэ бигэргэттилэр диэххэ сөп. Саха тыйаатыра норуоппут төрүт култууратын, тыынын уонна тылын бүүс-бүтүннүү көрдөрөр. Култуурабыт өссө үрдүк таһымҥа тахсарыгар, сайдар саҕахтары арыйа турарыгар сүдү күүс буолар, үйэ тухары норуоту түмэр тапталлаах тыйаатырбыт өрүү бу курдук күүстээх испэктээкиллэринэн үөрдэ туруохтун! Афанасий Ноев
313 просмотров