Саха сирин худуоһунньуктарын Сойууһун аныгы ускуустуба галереятыгар эдэр худуоһунньук Н... — 5 августа 2026 г. в 09:12:22.095
Саха сирин худуоһунньуктарын Сойууһун аныгы ускуустуба галереятыгар эдэр худуоһунньук Надежда Комиссарова анал быыстапката турда. «Саха дьахтар таҥаралаах» - бу быыстапка ааптар икки эбэтигэр ананна. Быыстапка аата мээнэҕэ буолбатах. Бу өс хоһоонугар этиллэрин курдук, көрдөрүүгэ турбут үлэлэр кыыс оҕону, ийэни, дьиэ кэргэн тутаах киһитин үрдүктүк тутар, ытыктыыр өйдөбүлү биэрэллэр. Саха итэҕэлинэн, дьиэ кэргэн уйгута, чөл туруга, байылыат олоҕо барыта ийэттэн тутулуктаах. Ол да иһин кинини «таҥараҕа тэҥнээх» диэн этэллэр. Эдэр худуоһунньук араас матырыйааллартан оҥорбут ураты үлэлэрэ дьон-сэргэ болҕомтотун тардыахтара диэн эрэнэбин. Надежда Арктикатааҕы судаарыстыбаннай култуура уонна ускуустуба үнүстүүтүн бүтэрбитэ, Мария Афанасьевна Рахлееваҕа, Туйаара Ефимовна Шапошниковаҕа үөрэммитэ. Кэнники Красноярскайга биллиилээх график худуоһунньукка Герман Паштовка стажировканы аасыта. Надеждаҕа айар үлэтигэр ситиһиилэри баҕарабын. Быыстапканы атырдьах ыйын 19 күнүгэр диэри көрүөххэ сөп. Афанасий Ноев