Мүнөөдэр һунгалтын түрүүшын үдэр. Үглөөнһөө һунгуулиин комиссинуудта ехэл хүлгөөтэй. Эн... — 19 сентября 2026 г. в 05:20:04.269
Мүнөөдэр һунгалтын түрүүшын үдэр. Үглөөнһөө һунгуулиин комиссинуудта ехэл хүлгөөтэй. Энэ үдэр һунгаад ябаһан зоноор хөөрэлдэбэбди. 26 наһатай Эржена Баторовна Яманова: - Һунгалтын үдэр – хүн бүхэндэмнай шухала үдэр. Тиимэһээ мүнөөдэр 501-дэхи һунгуулиин участогтаа ерэжэ, эрхэтэнэйнгээ уялга дүүргэһэндээ, хамтын хэрэгэй хубинь байһандаа ехэ баяртай байнаб. Һаруул ерээдүйдэ бата найдалтайгаар дуугаа маргалтагүй үгэбэб. Бүгэдэнэймнай хамтын дуун гүрэнэймнай һайн тээшээ хубилалтада, һалбаралгада асарха, бултадаа гүрэн түрэеэ хүсэтэй болгохобди гэжэ үнэн зүрхэнһөө этигэнэб. 19 наһатай Адиса Эрдэниевна Аранжурова: - Һунгалтада хабаадажа, дуугаа үгэхэ эрхэ үгтэдэг байһандань ехэ баяртайб. Хүн бүхэнэй дуугаа үгэлгэһөө агуу Россиимнай ерээдүй дулдыдана ха юм. Тиимэһээ һунгалтые дэмжэжэ, Амидхаашада, 801-дэхи һунгуулиин участогта, эрхэтэнэй уялгаяа дүүргэжэ, дуугаа үгөөд гарабаб. Һунгалтын дүнһөө гүрэн доторнай һайн хубилалтанууд болохо гэжэ этигэнэб. 18 наһатай Мыргеев Жаргал Алексеевич: - Би дүүрэн наһаяа хүсэжэ, эрхэтэнэй уялгаяа мэдэржэ, түрүүшынхеэ һунгалтада хабаадабаб. Ага тосхонойнгоо 501-дэхи һунгуулиин участогта дуугаа үгэбэб. Минии хабаадалга Россиин саашанхи хуби заяанда багахан хубита болохо гэжэ этигэнэб. Һунгалтаһаа һайн дүнгүүдые хүлеэнэб.