Ага нютаг бүгэдэ буряадай үндэhэн соёлой эблэлтэй харилсаагаа бэхижүүлнэ.
Ага нютаг бүгэдэ буряадай үндэhэн соёлой эблэлтэй харилсаагаа бэхижүүлнэ. Энэ талаар Агын Буряадай тойрогой захиргаанда мүнөөдэр уулзалга болоо. Тэндэ Агын Буряадай тойрогой захиргаанай хүтэлбэрилэгшын орлогшо Цыцыгма Найданова, бэеын соёл ба тамир хүгжөөлгын таhагай дарга Булат Бальжинимаев, үндэhэтэнэй соёл хүгжөөлгын таhагай дарга Долгорма Дашинимаева, ВАРК-ын гүйсэдхэхы хорооной түрүүлэгшэ Санжима Романова, ВАРК-ын дид-юрэнхылэгшэ Дашинима Батоболотов гэгшэд хабаадаа. Бүгэдэ буряадай үндэһэн соёлой эблэл нэгэдүүлгын ехэ үүргэтэй. Буряад хэлэ, болбосорол, соёл, заншал, үндэhэтэнэй тамир хүгжөөхэ талаар хөөрэлдөө. Гадна залуушуултай суг хамта ажал ябуулха, тэдэниие буряадуудай ажаhуугаа нютагуудтай аяншалангаа танилсуулха. СССР-эй арадай зүжэгшэн Лхасаран Линховоиной нэрэмжэтэ дуушадай уласхоорондын 15-дахи мүрысөөндэ ВАРК өөрын тусхай шангуудые дуушадта барюулаа гэжэ hануулая. Буряадхан оромнай уужамхан даа Буусаараа илгараад яахамнайб даа Бууралхан аба эжын үлгы юм даа Бултанай жаргаха нютаг юм даа.