✨Сизьгуртын шуныт пумиськон ортчиз — 18 июля 2026 г. в 12:21:44.917
✨Сизьгуртын шуныт пумиськон ортчиз 17 пӧсьтолэзе Сизьгуртын Петр Константинович Черновлы, Удмуртиысь калык писательлы, вордӥськемез тырысен 90 арес тырмонэзлы сӥзем ужрад ортчиз. Трос гинэ калык люкаськиз: кузпалэз Валентина Николаевна но нылпиоссы, сузэрез Ольга Константиновна Шилова, ӵыжы-выжыосыз но гурт калык. Шуныт кылъёс веразы Алнаш ёрослэн кивалтӥсез Любовь Владимировна Новикова но Ромашкинской терротделлэн кивалтӥсез Вероника Борисовна Преображенцева. Ужрадэз шулдыртӥзы Сизьгуртысь, Азамат но Тыло школаосысь нылпиос. Петр Константиновичлэсь улон сюрессэ тодэ вайиз Юля сузэрезлэн нылыз Светлана Леонидовна Кириллова, кызьы ӵыжы-выжы луэмзэ тунсыко мадиз Тылоысь дышетӥсь Наталья Демьяновна Бигбашева. Нош кузпалэз, Валентина Николаевна, вераз, кызьы соос тодматскизы но улӥзы Пётр Черновен. Сузэрез, Ольга Константиновна, сюлмысь потэм шуныт кылъёс вераз дядяйез сярысь. Пётр Константинович но Пантелей Николаевич юн кусып возё вылэм Шудья школаысь дышетӥсьёсын, та сярысь тодмо луиз Петр Фёдорович Березкинлэн верамысьтыз. Клубын ужрад йылпумъяськем бере, со азьланьтӥськиз музейын, собере ял карон беседкаын куно каризы на ческыт ӝукен, кырӟазы шулдыресь кырӟанъёс. #алнашёрос #алнашскийколхозник #алнашскийрайон