☀️ АЛГЫСТААХ АММА ЫҺЫАҔА 🌿 21.06 🌿 түүн 02:00 🌿 — 15 июня 2026 г. в 10:18:14.586
☀️ АЛГЫСТААХ АММА ЫҺЫАҔА 🌿 21.06 🌿 түүн 02:00 🌿 Күндү бар дьоммутун Муона чараҥар көмүс күммүт күлүмнүү күөрэйиитин, ыраас күммүт күөгэйэ тахсыытын айхаллыы көрсөр үтүө түгэнигэр, алгыс тылын иҥэринэ, сиэргэ-туомҥа кыттыһа кэлэргитигэр биһирэмнээн ыҥырабыт. Күнү көрсүү сиэрэ-туома үөһэ үрдүк айыылартан көрдөһөн куһаҕан дьай саба бүрүүкээбэтин, дьол-соргу тосхойугар алгыс этиллэр. ☀️ Күнү көрсүү ирдэбиллэрэ: Туом быһыытынан эр дьон-уҥа, дьахтар аймах-хаҥас өттүгэр түһүлгэ тула тураллар. Сиэр-туом ыытыллар кэмигэр илин үрүҥ күммүт маҥнайгы сардаҥатын көрсөр сиэл намылхай аартыкпыт суолун быһа кэһиллибэт. Күн тахсыыта, чуумпуран илин хайыһан илиилэргитин иннин диэки ууна-ууна бэйэҕитигэр сирэйгит туһаайыытынан түөскүтүгэр түһэрэн төттөрү уунаҕыт. Күн тахсар кэмигэр бука бары алгысчыт уонна арыалдьыттар хамсаныыларын үтүктэн, тэҥҥэ уруйдаһан айхаллаһан иһиэхтээххит🙌🏼 Сиэр-туом кэмигэр сотовай телефоннаргытын араараҕыт📱 Бу үтүө мааны күн олохтоохтор ыттаргытын 🐕 баайаргытыгар көрдөһөбүт.