Муус устар 10 күнүгэр А.А. Черемных аатынан оҕо ускуустуба оскуолатыгар саха фольклорун... — 4 мая 2026 г. в 05:01:21.504
Муус устар 10 күнүгэр А.А. Черемных аатынан оҕо ускуустуба оскуолатыгар саха фольклорун утумнаан дьарыктанар оҕолор “Айхаллыы көрсүөҕүн” диэн аһаҕас күөн-күрэскэ түмүстүлэр. Бу күрэс Саха АССР үтүөлээх артыыһа, биллиилээх олоҥхоһут уонна норуот ырыаһыта Үстүүн Гаврильевич Нохсоороп 2027 сыллаахха 120 сааһын туолуутугар анаан ыытылынна. Күрэс сыала-соруга – Үстүүн Нохсоороп аатын үйэтитии, саҥа талааннары арыйыы, норуот ырыатын, тойугу, чабырҕаҕы, олоҥхону, оһуохайы, хомуһу дьоҥҥо-сэргэҕэ билиһиннэрии, кэнчээри ыччаты ийэ тыл үтүө үгэстэригэр уһуйуу. Күрэс үс бөлөххө арахсан ыытылынна: 1 бөлөх: 7–10, 2 бөлөх: 11–13, 1 бөлөх: 14–17 уонна бөлөхтөр. Кыттааччылар фольклор 6 көрүҥэр, ол эбэтэр норуот ырыатыгар, тойукка, чабырҕахха, оһуохайга, хомуска, олоҥхоҕо күрэстэстилэр. 6 нэһилиэктэн уопсайа 88 кыттааччы кыттыыны ыллы: 12 бөлөх, 33 биирдиилээн кыттааччы, 11 салайааччы . Дьүүллүүр сүбэҕэ Саха Өрөспүүлүкэтин культуратын үтүөлээх үлэһитэ Григорьева Виктория Георгиевна (бэрэссэдээтэл) уонна Амма улууһун культураҕа норуот айымньытын салалтатын фольклорга исписэлииһэ Слепцова Айыына Георгиевна үлэлээтилэр. ↪️ СИҺИЛИИ: https://amga-dshi.obr.sakha.gov.ru/news/front/view/id/3405157 📹 Запись выступлений на Rutube: https://rutube.ru/video/1e5af85c882ffc0599a55400d3a1ec55/