«Олоҥхо дойдутун оҕотобун» өрөспүүбүлүкэтээҕи XXIX бэстибээлгэ А. А. Черемных аатынан о... — 31 марта 2026 г. в 09:25:11.210
«Олоҥхо дойдутун оҕотобун» өрөспүүбүлүкэтээҕи XXIX бэстибээлгэ А. А. Черемных аатынан оҕо ускуустубатын оскуолатын "Оллоон" оҕо көрдөрүүлээх бөлөх оҕолоро ситиһиилээхтик кытыннылар Кулун тутар 26-28 күннэригэр А.Е.Кулаковскай аатынан Норуоттар доҕордоһууларын дьиэтигэр XXIX төгүлүн ыытыллар «Олоҥхо дойдутун оҕотобун” бэстибээл олоҥхоһут П.П. Ядрихинскай - Бэдьээлэ 125 сылыгар ананан уһуйаан, оскуола оҕолорун ортолоругар олоҥхону олоҕурбут ньыманан бөлөҕүнэн уонна биирдиилээн толорууга, чинчийиигэ сүүрбэ тохсус төгүлүн тэрээһиннээхтик буолан ааста. Бэстибээлгэ Амма, Таатта, Чурапчы, Уус Алдан, Мэҥэ Хаҥалас, Горнай, Нам, Бүлүү, Ньурба, Кэбээйи, Муома улуустарыттан олоҥхону толорор уонна чинчийэр оҕолор, уһуйааччылар барыта 305 оҕо бэрт сэргэхтик кэлэн кыттыыны ыллылар. Ол иһигэр, оскуола оҕолоругар - 36 – биирдиилээн толорооччу, 14 бөлөххө 120 оҕо, 12 оҕо чинчийэр үлэнэн, барыта 168 оскуола оҕолоро кытыннылар. Бэстибээлгэ үгэс быһыытынан олоҥхону толоруу утумун салҕааһыҥҥа, толоруу сатабылын, оҕо айар дьоҕурун сайыннарыыга уонна тарҕатыыга улахан суолта ууруллар. Олоҥхоһут П.П. Ядрихинскай – Бэдьээлэ сиэнэ, Өлүөхүмэ улууһугар култуураҕа үлэлии сылдьар, айар куттаах киһибит, олоҥхо мецената Ларионова Мария Дмитриевна спонсордаан, 3000 солк сертификаты олоҥхону толорооччу А. А. Черемных аатынан оҕо ускуустубатын выпускницата Дьяконова Надежда тутан үөрдэ-көттө. Оскуола оҕолоругар “Истээччи биһирэбилэ” – Татаринова Айна буолла. Оҕо ускуустубатын оскуолатын 3 кылаһын иитиллээччитэ. 1 таһым “Бастыҥ толорооччу” – “Оллоон” көрдөрүүлээх фольклор бөлөҕө. Амма улууһа, Бөтүҥ нэһилиэгэ. Сал. Д.Ф. Яковлева. Махталбытын биллэрэбит А. А. Черемных аатынан оҕо ускуустубатын оскуолатыгар уонна Н. Е. Иванов аатынан уерэтэр оскуолабытыгар. Оҕолорбутугар итэҕэйэн, эрэнэн босхо трансфер кербүттэригэр. Салайааччы Яковлева Дарияна Фёдоровна