Кырлай авылында Габдулла Тукайның әдәби-мемориаль музей комплексы урнашкан. Музей яңарт... — 17 мая 2026 г. в 19:48:52.655
Кырлай авылында Габдулла Тукайның әдәби-мемориаль музей комплексы урнашкан. Музей яңартылганнан соң тагын да матуррак һәм заманча булган. Биредә шагыйрьнең тормышы һәм иҗаты турында күп мәгълүмат алырга мөмкин. Экспозицияләр Тукайның балачагын, аның әсәрләрен һәм татар мәдәниятен чагылдыра. Музейда шагыйрьнең шәхси әйберләре, кулъязмалары һәм фотолары саклана. Биредә шагыйрьнең иҗатына багышланган төрле чаралар үткәрелә. Музей янында Тукайга багышланган һәйкәл дә урнашкан. Кырлайга бару һәм музейны күрү — һәркем өчен зур бәхет. Без, Әмир авылында яшәүчеләр, балалар, өлкәннәр, менә шул бәхеткә тиендек - игелекле иганәчеләребез бертуган Әгъләмовлар оештырган экскурсия - сәяхәткә Кырлай авылына бардык. Габдулла Тукай йөргән эзләрдән йөрдек. Экскурсия вакытында без Тукай яшәгән чорга сәяхәт кылдык. Музей хезмәткәрләре кызыклы итеп сөйлиләр һәм сорауларга җавап бирәләр. Сәяхәт бар кешенең күңеленә хуш килде. Форсаттан файдаланып, иганәчеләребезгә олы рәхмәтебезне җиткерәбез.