Продолжаем делиться вашими отзывами о спектакле «Түүл уҥуор кытыла». ❤️ — 15 июля 2026 г. в 01:20:53.924
Продолжаем делиться вашими отзывами о спектакле «Түүл уҥуор кытыла». ❤️ « ТYYЛ УҤУОР КЫТЫЛА спектакль кэнниттэн санаалар... Бастатан туран бу туруоруу сөптөөх бириэмэтигэр оҥоһулунна, тоҕо диэтэххэ обществоҕа быhыы-майгы тосту уларыйбыт кэмигэр буолла. Вл.Маяковскай оҕолорго анаан суруйбут «Что такое хорошо, что такое плохо» чахчы үчүгэй, куhаҕан границата биллэр, онон өйдөтөргө да судургу. Борисов А.С бу постановкатыгар көрөөччүгэ ыйытыы оҥорор. Ханнык да омук буоллун майгы-сигили темата билиҥҥи бириэмэҕэ сымнаҕастык эттэххэ "суураллыбыт" курдук. Иитиллибит эйгэҥ хайдаҕый да эдэр дьон өйө-мэйиитэ киhилии да мөкү да быhыыны билбэт буолан дьылҕатын уҥуор кытылыгар халыйара баар суол. Ол гынан баран өйдөөх санаалаах муударай дьон сүрүн геройга бэйэтин өйүнэн, сатабылынан олох дьэбэрэтин киэр-халты кыйдыырыгар көмөлөстүлэр. Ити дьон: ийэтэ, таптыыр кыыhа, Хаамаайы уонна Кырдьаҕас оҥочоhут. Мин саныахпар У Синь уолчааҥҥа уруккаттан өбүгэлэриттэн бэриллибит геннэрин утуйа сытар үчүгэй өрүттэрэ баар буолан өйдөннө уонна быыhанна. Ханнык да бириэмэлэргэ мөкү быhыыланыы (ымсыы, аньыыны оҥоруу, өлөрүү, халааhын..) иэстэбиллээх буолар, ону өйдүүр киhи өйдүүр. Өйдөөбөт киhи төhө да баай, кыра кылгас кэмҥэ былаастаах буоллун (Тараҕай якудза, Доҕолоҥ, Киллер, Оҕо-оҕонньор) хаhан да билиниэхтэрэ суоҕа, итинник дьон билигин обществоҕа бааллар Борисов постановкатын наhаа сөбүлээтим, дуоhуйдум, тыынар-тыыммат курдук олорон көрдүм, ардыгар харах уулаах... У Синь уолга «ситии быа сытар ыл-ыл» диэн сибинигэйэ олорор эбиппин. Онтон быыhанан үөhэ ыттар -ыттыбат буолбутугар көмүстээх котуомкаҕын «быраах» диэтим. Хата уолум истибит курдук ыhыктан кэбистэ, үөрүүбүттэн илии таhынным. Yлэлээбэтэх, ытыhыҥ чэрдийбэтэх буоллаҕына булумньу, былдьаан ылбыт баай-дуол дьолу аҕалыа суоҕа. Андрей Саввичка ити боростуой өйдөбүллэригэр сүрүн геройдар түүл да буоллар, олоххо баар суоллары ыйан бар дьонугар дьүүлгэ таhаарбыта кэрэхсэбиллээх. Бу спектакль уhун үйэлээх, элбэх көрөөччүлээх, ордук эдэр дьон буоллун. Бу спектакль сурун геройа ТАПТАЛ - тугу барытын бырастыы гынар, уһун үйэлээх, бэриниилээх, кырдыгы этэр суолталаах !!!» Благодарим за искренние слова, эмоции и поддержку! Именно ваши отзывы вдохновляют нас продолжать творить. Подписывайтесь, чтобы не пропустить самое интересное! https://max.ru/id1435269104_gos