Агротехнологическай кылаас арылынна
Агротехнологическай кылаас арылынна 16 сентября 2026 Бүгүн биһиги оскуолабытыгар агротехнологическай кылаас үөрүүлээх быһыыга-майгыга арылынна. Бу аныгы үйэ ирдэбилигэр толору эппиэттиир технологическай хааччыллыылаах лабораториялаах кабинет «Кадры в АПК» Федеральнай бырайыак чэрчитинэн үлэҕэ киирдэ. Бүгүҥҥү күн ыалдьыттара 1-кы Малдьаҕар Аҕа баһылыга Иван Евгеньевич Рыгунов, Хаҥалас улууһун Үөрэх управлениетын начальнига Юрий Васильевич Шадрин, Тыа хаһаайыстыбатын уонна ас-үөл политикатын министиэристибэтин экономика уонна стратегическай сайдыы департаменын кылаабынай специалиһа Нюргуяна Алексеевна Захарова, “Управления растениеводства, мелиорации и сельскохозяйственного водоснабжения” тэрилтэ салайааччытын солбуйааччы Леонид Андреевич Архипов, Арктическай государственнай агротехнологическай университеттан агробизнес факультетын наукаҕа деканын солбуйааччыта, агрооскуолалары кытта үлэҕэ Проектнай офис салайааччыта Мотрена Васильевна Матаннанова, научнай үлэҕэ, инновацияҕа уонна цифровизацияҕа проректора, ветеринарнай наука кандидата Константин Револьевич Нифонтов, «Математическай уонна естественно-научнай үөрэхтээһин” киин салайааччыта Мария Прокопьевна Данилова оскуола коллективын, үөрэнээччилэри эҕэрдэлээтилэр, тыа хаһаайыстыбатын сайыннарыыга туһуламмыт үлэҕэ ситиһиилэри баҕардылар. Бу агрокылаас арыллыыта тыа хаһаайыстыбата сайдарыгар аныгы технологияны, цифровизация, роботизация, биотехнология ньымаларын баһылыыр исписэлиистэр үүнэн тахсалларыгар бигэ тирэх буолуоҕа. Сиьилии: https://hu-bgs.obr.sakha.gov.ru/news/front/view/id/3421534