Бүген, 12 июньдә илебез тарихында үзенчәлекле дата – Россия көне билгеләп үтелә — 12 июня 2026 г. в 11:26:03.509
Бүген, 12 июньдә илебез тарихында үзенчәлекле дата – Россия көне билгеләп үтелә Әлеге истәлекле бәйрәм районыбызда күп төрле чаралар белән уза. Арчабызның Җиңү паркында иҗат коллективлары, төрле милләт вәкилләре, үзешчән артистлар катнашында концерт чын дуслык бәйрәме булды. Бәйрәмгә килүчеләрне район башкарма комитеты җитәкчесе урынбасары Рәзилә Шәймәрдәнова, "Сугышчан туганлык” җәмгыяте җитәкчесе Сергей Баһаветдинов котлады. Чара кысаларында “Россия триколоры” акциясе үткәрелде, “Туган ил тарихы битләре буенча” мәгълүмати күргәзмәсе эшләде. Теләгән һәркем Россия әләме төсләрендә брелоклар ясауда, флаг рәсеме төшерү буенча мастер-классларда катнаша алды. Шулай ук, аквагрим, өстәл һәм интерактив уеннар мәйданчыгы да эшләде. #ЛЕТОВТАТАРСТАНЕ