ҺӨНӘР ГЕНӘ ТҮГЕЛ, КҮҢЕЛ ХАЛӘТЕ — 10 июня 2026 г. в 11:54:54.395
ҺӨНӘР ГЕНӘ ТҮГЕЛ, КҮҢЕЛ ХАЛӘТЕ Бүген Арча район Мәдәният йортында мәрхәмәтлелелек үрнәкләре күрсәтүче иң күркәм һөнәр ияләрен зурладылар. Районыбызның социаль хезмәткәрләре үзләренең һөнәри бәйрәмнәрен билгеләп уздылар, фидакарь хезмәтләре өчен бүләкләнделәр. Бәйрәм котлавын Арча районы башлыгы урынбасары Рамил Мөхәмәдияров, Арча район башкарма комитеты җитәкчесе урынбасары Рәзилә Шәймәрдәнова җиткерде. Чарада Рузия Нурмухаметова, Арча районындагы Россия Социаль (Пенсия) фонды клиент хезмәте бүлеге җитәкчесе һәм шулай ук Татарстан Республикасы Хезмәт, мәшгульлек һәм социаль яклау министрлыгының Арча районындагы социаль яклау бүлеге җитәкчесе Динә Ибраһимова катнашты, ул үз чыгышында социаль хезмәткәрләргә авыр, әмма кешеләр өчен кирәкле хезмәтләрендә уңышлар теләде һәм рәхмәт сүзләрен ирештерде. Бәйрәм районыбызның иҗат коллективлары, үзешчәннәре чыгышы белән үрелеп барды. #АрскКультура #АрскийРДК