Бүгүн биһиги оскуолабытыгар 9 уонна 11 кылаастарын ситиһиилээхтик түмүктээбит выпускник... — 27 июня 2026 г. в 03:27:55.865
Бүгүн биһиги оскуолабытыгар 9 уонна 11 кылаастарын ситиһиилээхтик түмүктээбит выпускниктарга ситии-хотуу аттестатын туттарыы долгутуулаах тэрээһинэ ыытылынна. Бу бэлиэ күҥҥэ төрөппүттэр, учууталлар уонна ыҥырыылаах ыалдьыттар мустан, эдэр дьон инники олохторугар алгыстарын анаатылар. Эҕэрдэ тыллар кэннилэриттэн сценаҕа төрөппүттэр тахсаннар, оҕолорун ситиһиилэриттэн үөрбүттэрин биллэрдилэр. Төрөппүттэр ааттарыттан махтал тылларын этэн туран, оҕону иитиигэ күүс-көмө, сүбэ-ама буолар учууталлар коллективтарыгар истиҥ иһирэх тыллары анаатылар. Кинилэр оҕолоро саҥа олох киэҥ аартыгар үктэнэллэригэр эрэнэллэрин уонна мантан антах даҕаны өйөбүл буолуохпут диэн эрэннэрдилэр. Учууталлар бэлиэтээбиттэринэн, ситии-хотуу аттестатын ылар чиэскэ тиксибиттэринэн эҕэрдэлээн туран, оҕолорго саамай сүрүн эксээмэн өссө да иннигэр турарын санаттылар. Ол – олоххо миэстэни булуу, сыалы-соругу ситиһии уонна дойдуларыгар туһалаах дьон буолан тахсыы буолар. Түмүккэ, долгутуулаах чаас тиийэн кэлэн, выпускниктарга ситии-хотуу аттестаттарын туттарыы сиэрэ-туома ыытылынна. 9 уонна 11 кылаастары бүтэрээччилэр бэйэлэрин ааттарыттан махтаналларын биллэрэн, төрөппүттэригэр уонна учууталларыгар үтүөнү баҕардылар. Биллэн турар, бу күнтэн кинилэр саҥа, уустук, ол эрээри интэриэһинэй олоххо атахтарыгар бигэтик турарга бэлэмнэрин туһунан эттилэр. Бу курдук, долгутуулаах тэрээһин бары кыттыылаахтарыгар умнуллубат өйдөбүлү хаалларда, оҕолорго инникигэ эрэли сахта уонна саҥа саҕахтары арыйыыга көҕүлээтэ.