✅Башҡортостанда йылы һәм ҡояшлы һауа торошо урынлашты. Синоптиктар фаразы буйынса көндө...
✅Башҡортостанда йылы һәм ҡояшлы һауа торошо урынлашты. Синоптиктар фаразы буйынса көндөҙөн һауа температураһы +23 градусҡа тиклем күтәреләсәк. Сираттағы “Әбейҙәр сыуағы” күпме дауам итер икән? 🌞Башгидромет мәғлүмәттәре буйынса, алдағы өс көн – 13, 14 һәм 15 октябрь шундай уҡ йылы һәм ҡояшлы буласаҡ. Тик төндәрен генә урыны менән һауа температураһы 0, -2 градусҡа тиклем түбәнәйә. Синоптиктар алдағы ете көнгә фараз яһаны. Уларҙың мәғлүмәттәре буйынса, эш аҙнаһы аҙағында республикала болотло буласаҡ, әммә яуым-төшөм көтөлмәй. Ял көндәрендә ҡояшлы һауа торошо ҡайтасаҡ, тик һауа температураһы бер аҙ түбәнәйәсәк — +14, +17 градусҡа тиклем, әммә ошо тиклем йылы һауа торошо октябрь уртаһы өсөн аномаль булып тора. Белгестәр фекеренсә, киләһе аҙнала температураның әкренләп түбәнәйеүе дауам итәсәк. Октябрҙең өсөнсө декадаһында +4, +9 градус булыуы көтөлә. Ай аҙағында яуым-төшөм фаразлана. Рәсәй метеорологтары мәғлүмәттәре буйынса, ноябрь һалҡын һәм ямғырлы буласаҡ. Һауа температураһы 0, +6 градус тирәһе торасаҡ. Айырым көндәрҙә термометр бағанаһы -2 градусҡа тиклем түбәнәйә. Ҡояшлы көндәр аҙ була. Ә.Мансурова фотоһы.