«Туган ягым мәдәният һәм ял» паркында балаларны яклау көне уңаеннан шау гөр килеп бәйрә... — 1 июня 2026 г. в 14:20:04.484
«Туган ягым мәдәният һәм ял» паркында балаларны яклау көне уңаеннан шау гөр килеп бәйрәм чарасы узды. Бәйрәм гади генә бармады, ул мавыктыргыч квест формасында узды Әлеге чара «Татарстанда җәй» проекты кысаларында уздырыла торган зур вакыйгаларның беренчесе булды бу. Проектка бүген Татарстан Раисы Рөстәм Миңнеханов старт бирде. Паркның һәр почмагында балаларны кызыклы уеннар һәм осталык дәресләре көтте. Музей, китапханә һәм мәдәният йорты хезмәткәрләре берлектә балалар өчен истәлекле урыннар әзерләгән иде. Балалар төрле биремнәрны башкарып, үзләренең чаянлыгын һәм акыллылыгын тикшерделәр. Уен вакытында тәрбиячеләр балалар белән дуслык һәм бер-береңә ярдәм итү хакында файдалы әңгәмәләр дә үткәрделәр. Мәдәният йорты хезмәткәрләре әзерләгән курчаклар театры исә бәйрәмнең чын бизәге булды. Балалар яратып «Кызыл Калфак» әкиятен карадылар, геройлар өчен чын күңелдән борчылып һәм куанып тордылар. .Шул ук вакытта балалар сәнгать мәктәбе укучылары башкаруында кайнар биюләр, дәртле җырлар һәм моңлы көйләр тамашачыларга тәкъдим ителде..Бәйрәмнең иң көтелгән, иң истәлекле өлеше – күбекле дискотека булды! Сабыйлар ап-ак күбек эчендә сикерделәр, биеделәр, рәхәтләнеп күңел ачтылар. ➡️ Тагын да күбрәк чараларны leto.tatar сайтында табып була. Әтнә районын сайлап — үзегезгә ошаган вакыйганы сайлап ала аласыз!