Аан Алахчын Хотун ыйыгар аналлаах «Сүрэхпэр-өбүгэм алгыһа» бырайыак чэрчитинэн «Аан Ала... — 5 июля 2026 г. в 08:59:51.642
Аан Алахчын Хотун ыйыгар аналлаах «Сүрэхпэр-өбүгэм алгыһа» бырайыак чэрчитинэн «Аан Алахчын Хотун илгэтин иҥэриниэххэйиҥ!» тэрээһин Өксөкүлээх Өлөксөй аатынан норуоттар доҕордоһууларын дьиэтигэр от ыйын 5 күнүгэрбэрт сэргэхтик буолан ааста. Бу күн «Саха эйгэтэ» түмсүү салайааччыта Екатерина Новикова алгыс тылларынан куту-сүрү бөҕөргөтүүнэн саҕалаата, Сэргэй Зверев суруйан хаалларбыт «Мин тойугум» туойан кэлбит ыалдьыттарбыт сүргэлэрин көтөхтө, Любовь Ефимова хомоҕой тыллаах хомуска оонньоон дьүрүһүттэ. «Кэрэ олох» уопсастыбаннай түмсүү салайааччыта Матрена Ядрихинская От ыйа – Аан Алахчын Хотун ый буоларын билиһиннэрдэ. Аан Алахчын Хотун Ийэбит туһунан сэһэни ону таһынан Айыы үөрэҕин, «Кут-Сүр» кыһа сэһэнньитэ, ХИФУ профессора, философскай наука доктора Андрей Саввич Саввинов сэһэргээтэ, от ыйыгар ханнык сиэр-туом киирэрин ырытта. Сэһэҥҥэ Ийэ сиргэ үүнэри төрүттээччи, быйаҥы биэрээччи Аан Алахчын Хотун туһунан элбэҕи билэммит от-мас сүрдэнэн Аан дойду далбарын ылынан, Ийэ сирбит илгэтигэр тиксэн, күн быатын тутан, саныыр санаабыт саргыланна, алгыстаах аартыкпыт арылынна. Элбэх киһи кэпсэтиигэ кыттыста, бэйэлэрин тус санааларын эттилэр. Ол курдук, Афанасий Алексеевич Николаев историческай наука кандидата бэйэтин санаатын, чопчу туһалаах сүбэлэри кэлбит дьоҥҥо тириэртэ. #Год_единства_народов_России_2026