Үкээр куйаас сатыылаан турар кэмигэр, үрдүк айыыларбыт сиргэ чугаһыыр күннэригэр ытык Т... — 22 июня 2026 г. в 23:49:03.516
Үкээр куйаас сатыылаан турар кэмигэр, үрдүк айыыларбыт сиргэ чугаһыыр күннэригэр ытык Тааттаҕа ыһыах ыһылынна🌿🌿🌿 Бастакы күн Россияҕа сомоҕолоһуу, Саха сиригэр култуура, Таатта улууһугар айар ситим, А.К.Андреев 120 сылларыгар анаммыт улуус баһылыгын Айаал Семенович Бурцев бирииһигэр "Үрүҥ тунах оһуохайа" нэһилиэктэр икки ардылар оһуохай күрэһэ ыытылынна. Чөркөөх, Ытык-Күөл, Тыараһа, Дьохсоҕон, Уус-Таатта нэһилиэктэрэ хайҕаллаах Хадаайы сиригэр оһуохайы оройуттан туттулар. Иккис күн өбүгэ үгэһин, сатабылын, мындырын утумнуур аһаҕас Иис.Уус.Ас.Фест этнографическай фестиваль үрдүк таһымнаахтык ыытылынна. Бу түһүлгэҕэ туос, туой, тимир, кыл-сиэл, муос, уруһуй, ювелирнай, иис, мас, талах уус-уран көрүҥнэргэ уран тарбахтаах маастардар утумнааччыларын кытта сатабылларын дьоҥҥо-сэргэҕэ аһаҕас халлаан анныгар уһанан, иистэнэн, астаан көрдөрдүлэр. Өрөспүүбүлүкэтээҕи норуот айымньытын Дьиэтин норуот айымньытын салаатын сэбиэдиссэйэ Ираида Егоровна Пахомова уонна исписэлиис Күннэй Семеновна Маркова үлэлээтилэр. Төрүт үгэскэ олоҕурбут өбүгэлэртэн кэлбит сатабыл, урамньы көлүөнэттэн-көлүөнэҕэ бэриллэн истин. Кэскиллээх уонна хайҕаллаах бырайыак ыыра кэҥээтин, саҥа ааттар, утумнааччылар үүнэн-сайдан истинэр.