⭐Ниғәмәт ауылында йәшәүсе Дилә Вәлиәхмәт ҡыҙы Мырҙағәлинаның иңенә тормош һанауҙары күп... — 24 июля 2026 г. в 09:41:23.067
⭐Ниғәмәт ауылында йәшәүсе Дилә Вәлиәхмәт ҡыҙы Мырҙағәлинаның иңенә тормош һанауҙары күп төшә. Уның тормош иптәше иртә генә мәрхүм була. Шуға күрә лә өс улын яңғыҙы тәрбиәләп үҫтерә. Уларҙы уңған, эште яратырға, ҡурҡмаҫҡа, ғәҙел булырға өйрәтеп үҫтерә. Махсус хәрби операция башланғас уның ике улы бер-бер артлы Ватан һағына баҫа. 2024 йылдың сентябрь айы батыр улдар тәрбиәләгән әсәгә ҙур ҡайғы килтерә. 11 сентябрҙә улы Мозафар: “Әсәй, беҙ ун көнгә хәрби заданиеға юлланабыҙ. Унда бәйләнеш юҡ. Минең өсөн борсолма. Мине көт”, - тип шылтыратып иҫкәртеп ҡуя. Ун көндө Дилә Вәлиәхмәт ҡыҙы бармаҡ менән һанап көтөп ала. Ҡыҙғанысҡа ҡаршы, Мозафары бәйләнешкә сыҡмай ҙа, сыҡмай. Хәбәре юҡ та, юҡ. Ә инде 23 сентябрҙә улы Фаиль шылтыратып: “Әсәй, мин бәйләнеш булмаған ергә инәм. Мозафар тиҙҙән сығыр ул. Уның менән һөйләшә торорһоң. Мине юғалтма”, – тип белдерә. Ике улын да бер - бер артлы хәрби заданиеға оҙатҡан әсә доғаларын уҡып, улдарын көтә башлай. Ләкин Мозафар менән Фаиль тураһында ҡот осҡос хәбәр еткерәләр уға. https://hakmar.ru/news/vatan-a-ynda/2026-07-23/m-tt-re-le-lm-g-n-4761032