Өлкәннәр ункөнлеге уңаеннан оештырылган Балтач урта мәктәбенең 3 а сыйныфы укучылары, у...
Өлкәннәр ункөнлеге уңаеннан оештырылган Балтач урта мәктәбенең 3 а сыйныфы укучылары, укытучылары Зиатдинова Рузиля Гильмулла кызы белән берлектә искиткеч иҗади тамаша оештырганнар иде. Ул җыр-бию, нәфис сүз, конкурслар, хәтта балалар үзләре төшергән кино... Барысы да бар иде, ә бәйрәмнең иң югары ноктага җиткерүче бүләк ул Казаннан чакырылган баянчы егет, укытучыбызның улы халкыбызның милли җәүһәрләрен югары сәхнәләрдән тамашачыларга җиткерүче Рүзәл Зиятдинов, ул уйнаганда кушылып җырлап, күз яшьләрен тыя алмадык. Баласын татар халкының күңел кылларын тибрәтеп, моң дәрьясында йөздерерлек асыл егет үстергән Ана, балаларга дөньяви, дини, әхлакый тәбияне югары дәрәҗәдә җитерә белүче укытучы булганда балаларыбызның, мәктәбебезнең киләчәге бар. Мондый бәйрәмдә беренче тапкыр катнашам, ике балам инде күптән мәктәпне бетерде, өченчесе югары сыйныфта укый. Инде дәү әти буларак оныгымның бәйрәмендә катнаштым, эмоцияләрем ташый. Күңелдән ташып чыккан хисләрне сезгә җиткерәсем килде. Һәр баланың сәләтен ачып кына калмаган, үстерә белгән югары һөнәри осталыкка, искиткеч оештыру, режиссура сәлатенә ия булган мөгаллимәгә, шулай ук дәрестән тыш тәрбиячебез Фирүзә Алмаз кызына зур рәхмәт белдерәбез. Азат Әхмадуллин, Балтач бистәсе