Салих авылында йөзъяшәр ветеран котлаулар кабул итте
Салих авылында йөзъяшәр ветеран котлаулар кабул итте Салих авыл җирлегендә гомер итүче тыл хезмәтчәне, хезмәт ветераны Санафраз Насыйр кызы Насыйбуллинага 101яшь. Халыкара өлкәннәр көне белән аны район башлыгы һәм Татарстан Республикасы Рәисе исеменнән Салих авыл җирлеге башлыгы Илнур Хәйруллин, авыл китапханәчесе Ләйсәнә Таһирова котладылар, бүләкләр тапшырдылар. Санафраз әби Шалты авылында 12 балалы гаиләдә туган. Бөек Ватан сугышы вакытында тракторчы булып эшләгән, "Баулы" совхозыннан лаеклы ялга чыккан, гомуми хезмәт стажы 32 елга якын. Санафраз Насыйр кызы Салих авылы егете Мөнир Насыйбуллин белән гаилә корып, дүрт кызга гомер биргәннәр, олы тормыш юлына аяк басарга ярдәм иткәннәр.. 61 елдан артык бергә гомер иткән тормыш иптәше вафат, Санафраз әбине кызлары һәм кияүләре, кайгыртып яшиләр. Санафраз әби бик бай, аның 9 оныгы, 13 оныкчыгы, 3 оныгының оныгы бар. Санафраз әбинең яше бер гасырдан артса да, аның зиһене күркәм, хәтере яхшы. Ветеран үзенең озын гомерле булу серен гел хәрәкәттә булуында күрә. Кызлары һәм кияүләренең яхшы тәрбиясе, режим белән генә туклануы да 101 яшькә җитүенә сәбәпчедер. Фото: Илнур Хәйруллин