«Кинигэ – кэм кэрэһитэ»
«Кинигэ – кэм кэрэһитэ» Аҕа дойду Улуу сэриитин устуоруйатын сырдатар, үйэтитэр кинигэлэр тиһигин быспакка бэчээккэ тахсаллар. Кыайыы күнүн көрсө бибилэтиэкэ үлэһиттэрэ дириҥ-ис хоһоонноох «Суоттутааҕы оҕо дьиэтэ (1943-1960)» кинигэни бар дьоҥҥо билиһиннэрдилэр. Ахтыы кинигэҕэ Уус-Алдан оройуонугар сэрии сылларыгар арыллыбыт оҕо дьиэтин историята сырдатыллар. 1943-1960 сс. сэрии сылларын тулаайахтарын көрөр-харайар, иитэр-үөрэтэр дьиэ үгүс оҕо сырдык тыынын быыһаабыта, кинилэргэ үөрэнэргэ – үлэлииргэ киэҥ суолу арыйбыта. Түмэн, таҥан таһаарбыт Ем. Ярославскай аатынан түмэл үлэһитэ, СӨ култууратын туйгуна Илларионова Юлия Владимировна кинигэни сырдатта. Сэрии тулаайахтара, оҕо дьиэтин иитиллээччилэрэ Татьяна Исаковна Данилова, Юлия Титовна Сивцева киһи гыммыт биһиктэрин ахтан-санаан ыллылар. Бу сигэнэн аах: http://rbs14.ru/?p=91109