С ПРАЗДНИКОМ!
С ПРАЗДНИКОМ! С ДНЁМ ПАМЯТИ ПРЕПОДОБНОГО СЕРАФИМА САРОВСКОГО! Тропáрь, глас 4 От ю́ности Христá возлюби́л еси́, блажéнне,/ и Тому́ Еди́ному рабóтати плáменне вожделéв,/ непрестáнною моли́твою и трудóм в пусты́ни подвизáлся еси́,/ умилéнным же сéрдцем любóвь Христóву стяжáв,/ избрáнник возлю́блен Бóжия Мáтери яви́лся еси́./ Сегó рáди вопиéм ти:// спасáй нас моли́твами твои́ми, Серафи́ме, преподóбне óтче наш. Кондáк, глас 2 Ми́ра красоту́ и я́же в нем тлéнная остáвив, преподóбне,/ в Сарóвскую оби́тель всели́лся еси́,/ и тáмо áнгельски пожи́в, мнóгим путь был еси́ ко спасéнию./ Сегó рáди и Христóс тебé, óтче Серафи́ме, прослáви/ и дáром исцелéний и чудéс обогати́./ Тéмже вопиéм ти:// рáдуйся, Серафи́ме, преподóбне óтче наш. Величáние Ублажáем тя,/ преподóбне óтче Серафи́ме,/ и чтим святу́ю пáмять твою,/ настáвниче монáхов// и собесéдниче Ангелов. Молитва О пречу́дный óтче Серафи́ме, вели́кий Сарóвский чудотвóрче, всем прибегáющим к тебé скоропослу́шный помóщниче! Во дни земнáго жития́ твоегó никтóже от тебé тощ и неутéшен отъи́де, но всем в слáдость бысть видéние ли́ка твоегó и благоувéтливый глас словéс твои́х. К сим же и дар исцелéний, дар прозрéния, дар немощны́х душ врачевáния оби́лен в тебé яви́ся. Егдá же призвá тя Бог от земны́х трудóв к небéсному упокоéнию, николи́же любóвь твоя́ престá от нас, и невозмóжно есть исчи́слити чудесá твоя́, умнóжившаяся, я́ко звéзды небéсныя: се бо по всем концéм земли́ нáшея лю́дем Бóжиим являя́ешися и дáруеши им исцелéния. Тéмже и мы вопиéм ти: о прети́хий и крóткий угóдниче Бóжий, дерзновéнный к Нему́ моли́твенниче, николи́же призывáющия тя отревáяй, вознеси́ о нас благомóщную твою́ моли́тву ко Гóсподу Сил, да дáрует нам вся благопотрéбная в жи́зни сей и вся к душéвному спасéнию полéзная, да огради́т нас от падéний грехóвных и и́стинному покая́нию научи́т нас, во éже безпреткновéнно вни́ти нам в вéчное Небéсное Цáрство, идéже ты ны́не в незаходи́мей сия́еши слáве, и тáмо воспевáти со всéми святы́ми Живоначáльную Трóицу до скончáния вéка. Ами́нь. ________________ Все ваши имена помянул. Божией помощи всем и заступничества преподобного Серафима Саровского!