Всех поздравляю с днём памяти Боголюбской иконы Божией Матери.
Всех поздравляю с днём памяти Боголюбской иконы Божией Матери. Послужил сегодня литургию, на особых прошениях помянул ваши имена, которые вы присылаете мне в личные сообщения. После литургии послужил молебен Пресвятой Богородице и помянул ваши, присланные вчера, записки с именами о здравии, прочитал молитву ко иконе Божией Матери Боголюбской. Всем здравия и спасения! __________ Тропáрь, глас 1 Боголюби́вая Цари́це,/ неискусому́жная Дéво Богородице Мари́е!/ Моли́ за ны Тебé Возлюби́вшаго/ и рóждшагося от Тебé Сы́на Твоегó Христá Бóга нáшего,/ подáти нам оставлéние прегрéшений,/ и ми́рови мир, земли́ плодóв изоби́лие,/ пáстырем святы́ню/ и всему́ человéчу рóду спасéние./ Грáды нáша и страны́ Росси́йския от нахождéния иноплемéнных заступи́/ и от междуусóбныя брáни сохрани́./ О Мáти Боголюби́вая Дéво!/ О Цари́це Всепéтая!/ Ри́зою Твоéю покры́й нас от вся́каго зла,/ от ви́димых и неви́димых враг защити́,// и спаси́ ду́ши наша. Молитва О Чудная и Высшая всех тварей Царице Богородице, Небеснаго Царя Христа Бога нашего Мати! Услыши нас, грешных и недостойных раб Твоих, в час сей молящихся и припадающих к Тебе с воздыханием и слезами и умильно глаголющих: изведи нас от рова страстей, Владычице; избави нас от всякия скорби и печали; огради от всякия напасти и злых клевет, от неправеднаго и лютаго навета вражия. Можеши бо, о Благодатная Матерь наша, не точию от всякаго зла сохранити люди Твоя, но и всяким благодеянием снабдити и спасти; разве Тебе иныя Предстательницы в бедах и обстояниих и теплыя Ходатаицы о нас, грешных, не имамы к Сыну Твоему, Христу Богу нашему, Егоже умоли, Владычице, да, спасеннии Тобою, славим и в будущем веце Всесвятое Имя Сына Твоего и Бога нашего, купно со Отцем и Святым Духом, ныне и в безконечныя веки. Аминь. Величание Величáем Тя,/ Пресвятáя Дéво,/ Богоизбрáнная Отрокови́це,/ и чтим óбраз Твой святы́й,/ и́мже тóчиши исцелéния// всем с вéрою притекáющим.