С ПРАЗДНИКОМ СВЯТИТЕЛЯ НИКОЛАЯ, АРХИЕПИСКОПА МИР ЛИКИЙСКИХ, ЧУДОТВОРЦА
С ПРАЗДНИКОМ СВЯТИТЕЛЯ НИКОЛАЯ, АРХИЕПИСКОПА МИР ЛИКИЙСКИХ, ЧУДОТВОРЦА Тропáрь, глас 4 Прáвило вéры и óбраз крóтости,/ воздержáния учи́теля,/ яви́ тя стáду твоему́/ Яже вещéй Истина./ Сегó рáди стяжáл еси́ смирéнием высóкая,/ нищетóю богáтая,/ óтче священноначáльниче Никóлае,/ моли́ Христá Бóга// спасти́ся душáм нáшим. Кондáк, глас 3 В Ми́рех, свя́те, священнодéйствитель показáлся еси́,/ Христóво бо, преподóбне, Евáнгелие испóлнив,/ положи́л еси́ ду́шу твою́ о лю́дех твои́х/ и спасл еси́ непови́нныя от смéрти./ Сегó рáди освяти́лся еси́,// яко вели́кий таи́нник Бóжия благодáти. О всеблаги́й óтче Никóлае, пáстырю и учи́телю всех, вéрою притекáющих к твоему́ заступлéнию и тéплою моли́твою тебé призывáющих, скóро потщи́ся и избáви Христóво стáдо от волкóв, губя́щих é, и вся́ку страну́ христиáнскую огради́ и сохрани́ святы́ми твои́ми моли́твами от мирскáго мятéжа, тру́са, нашéствия иноплемéнников и междоусóбныя брáни, от глáда, потóпа, огня́, мечá и напрáсныя смéрти. И я́коже поми́ловал еси́ триéх мужéй, в темни́це седя́щих, и избáвил еси́ их царéва гнéва и посечéния мéчнаго, тáко поми́луй и менé, умóм, слóвом и дéлом во тьме грехóв су́ща, и избáви мя гнéва Бóжия и вéчныя кáзни, я́ко да твои́м ходатáйством и пóмощию, Свои́м же милосéрдием и благодáтию, Христóс Бог ти́хое и безгрéшное житиé даст ми пожи́ти в вéце сем и избáвит мя шу́йяго стоя́ния, сподóбит же деснáго со всéми святы́ми. Ами́нь. __________ Послужил молебен святителю Николаю, помянул все ваши имена! Молитвами святителя Николая, да помилует и спасёт нас, Господь!