☎Татарстан Республикасында Бала хокуклары буенча вәкаләтле вәкилнең махсус кайнар линия... — 1 июля 2026 г. в 10:58:36.447
☎Татарстан Республикасында Бала хокуклары буенча вәкаләтле вәкилнең махсус кайнар линиясе эшли башлады. «Вәкаләтле вәкил белән җәй» социаль проекты кысаларында старт алган әлеге чара төбәктә балалар ялы сыйфатын контрольдә тоту һәм куркынычсызлык чараларын көчәйтүгә юнәлтелгән. «Беренче ай нәтиҗәләре күрсәткәнчә, ата-аналар һәм балалар элемтә каналларыннан актив файдалана. Без оператив ярдәмгә реаль ихтыяҗны күрәбез һәм нәтиҗәгә эшләргә әзер», — дип билгеләп үтте Татарстан Республикасында Бала хокуклары буенча вәкаләтле вәкил Светлана Захарова. Бүген балаларны яклау һәм балалар ялы мәсьәләләре буенча кайнар линиянең икенче дулкыны эшли башлады. Ул 7 июльгә кадәр дәвам итәчәк. Бу өлкәгә кагылышлы сорауларны 8(843) 236-61-64 номерына шалтыратып, шулай ук МАКС мессенджерына (8-987-405-96-13) юлларга мөмкин.