БШ

Буа шәһәре Мулланур Вахитов исемендәге гимназия

Школы и вузы · 30 августа 2026 г.

Открыть канал в MAX

Хөрмәтле хезмәттәшләр, әти-әниләр, укучыларыбыз!

Хөрмәтле хезмәттәшләр, әти-әниләр, укучыларыбыз! Бүген без тарихыбыздагы иң әһәмиятле бәйрәмнәрнең берсен — Татарстан Республикасы көнен билгеләп үтәбез. Бу көн безнең үзенчәлегебезнең, мәдәниятебезнең һәм уртак язмышыбызның символы. Без, татарлар, кайда гына яшәсәк тә, Татарстан һәрвакыт безнең тарихи ватаныбыз булып кала, тамырларыбыз, телебез һәм гореф-гадәтләребез башланган урын. Бу көнне без республикабыз узган юлны искә алабыз: борынгы Болгар шәһәрләреннән алып киләчәккә омтылучы заманча Татарстанга кадәр. Без аның казанышлары, аның кешеләре, дөнья мирасына үрелгән кабатланмас мәдәнияте белән горурланабыз. Безнең республикабыз — төрле халыклар тыныч күршелек иткән, һәркемнең иманына һәм гореф-гадәтләренә хөрмәт белән караган, татарча, русча һәм тагын бик күп башка җырлар яңгыраган урын булуы белән горурланабыз. Ата-бабаларыбызга безгә мирас итеп калдырган җир өчен һәм сабый чактан ук ишетеп үскән телебез өчен рәхмәтлебез. Татарстан һәрвакыт һәрберебез өчен көч-куәт һәм илһам чыганагы булып калсын. Һәр йортта, һәр гаиләдә тынычлык, мәхәббәт һәм татулык хөкем сөрсен. Балаларыбыз туган телендә сөйләшсен, гореф-гадәтләрне хөрмәт итсен һәм халкының тарихын белсен. Татарстан — ул безнең ата-бабалар мирасы. Ул безнең тел, безнең җыр, безнең гореф-гадәтләр. Ул — безнең йөрәк. Бәйрәмебез мөбарәк булсын! Туган җиребез гөл-чәчәккә төренеп, халкыбыз бәхетле булып, киләчәгебез якты булып яшәсен!