Анхарагты. Соносогты! Суута боргойн хонид тухай хүхюун дорюун, шог зугаата дуунай тэмсэ... — 16 июня 2026 г. в 09:38:28.746
Анхарагты. Соносогты! Суута боргойн хонид тухай хүхюун дорюун, шог зугаата дуунай тэмсээ Буряад ФМ зарлана! Дуулаха дуратайгта, мүн аяглан шоглохо аргатайгта!? Тиибэл манай зарлаһан урилдаан тандал тааруухан. “Боргойн хониной мяхан-2026” гэһэн эдеэ хоолой ехэ найр нааданай хэмжээндэ боргойн хонин ба мяхан тухай хүхюун зугаата, шог ёгто богонихон дуунуудай урилдаа соносонобди. Өөрын онсотой, удха найруулгаар һайн, түрэл хэлэнэйнгээ нютаг аянгаар зохёогдоһон, шагнагшадай урма баяр үргэмөөр шүлэгүүдые хүлеэн байнабди. Нэн түрүүн, таанад 1 минута үргэлжэлтэй видео соогоо зохёоһоноо дуулаад, reklamabfm@yandex.ru электрон хаягта гү, али МАКС: 8 908 593 0884 утаһанда ябуулжархихат. Танай ажалнууд июниин 16 болотор абтаха. Удаань buryadfm-эй макс соо дуратай дуугаа шэлэхэбди. Дуунай урилдаанда гурбан илагшадай шан – 5 кг боргойн суута, хаан шэрэйн гол табаг болодог мяхан. Дуулая, зохёое, гайхуулая, нүхэд! Түнхэнэй аймагай хүндэтэ эрхэтэн, Буряад ФМ-эй арадай репортер, Хэрэн тосхондо ажаhуудаг Дарья Дармаевна Арьяева түрүүшын оролсогшо.