Эгэтын дасанай бурха зураашадай бүтээлнүүд Москвада — 4 августа 2026 г. в 12:21:16.374
Эгэтын дасанай бурха зураашадай бүтээлнүүд Москвада Августын 3-да Москва хотын А.С.Пушкинай нэрэмжэтэ уран haйханай музейдэ «Алмазная колесница. Оросой буддын шажанай урлаг» гэhэн үзэсхэлэн нээгдэбэ. Москвагай музейнүүдhээ суглуулhaн үзэсхэлэндэ Хальмаг, Тыва, Буряад Уласуудай бурхадууд, шажанай хэрэгсэлнүүдэй дунда Эгэтын дасанай тэлэг бурхадууд түрүүшынхиеэ ниислэл хотодо харуулагдаба. Ерэhэн айлшадые гайхуулан, уран зурааша Нима Цыремпилоной зургаан метр үндэртэй Бурхан багша угтана. Будда Симханадын дээрэ хоёр талаhaa Сагаан, Ногоон Дара эхэнүүд, дооронь хоёр архат- шабинарынь янзын торго, алтан мүнгэн утас, үнэтэ шулуугаар шэмэглэгдэжэ, няалта оёдол арга -аю аппликаци хэрэглэн бүтээгдээ. Иимэ зурагууд урдань ехэ хуралнуудай үедэ дасангуудай газаа таладань үлгэгдэдэг байhaн гэдэг. Ярууна нютагта түрэhэн, үдэhэн Нима Цыремпилоной эжынь уран оёдолшон байhан гэжэ тэмдэглэе. Энэл үзэсхэлэндэ табигдаһан Эгэтын дасанай бурха зураашад Дабаа Тушнэ, Базар Аригунэ хоёрой «Найман тахил» (Догшодуудай ганзай, 420-220 см) гэhэн уран зураг дэлгээгдэнхэй. Эдэ хоер бүтээл Эгэтын дасанай бурха зураашадай тусхай сургуулитай байhыень эрдэмтэн Арюна Гомбоева гэршэлнэ.