2026 сыл бэс ыйын 10 күнүгэр НВК «Саха» телеканалыгар «Талбан» биэриигэ «Дьулуур: күүст... — 11 июня 2026 г. в 06:29:50.222
2026 сыл бэс ыйын 10 күнүгэр НВК «Саха» телеканалыгар «Талбан» биэриигэ «Дьулуур: күүстээх санаалаахтар күрэстэрэ» диэн тиэмэҕэ кэпсэтии буолла. Биэрии ыалдьыттарынан бэйэлэрэ күүстээх санаалаах, олохторун холобурунан элбэх киһини үөрэтэр, дууһаҕа күүс уонна эрэл биэрэр дьон кытыннылар. Кинилэр истэригэр: Саргылан Ксенофонтович Семенов– хамсаныыга доруобуйаларынан хааччахтаах дьоҥҥо чэпчэки атлетикаҕа РФ спорка маастара, Дойду 5 төгүллээх чемпиона. Дьулустан Иванович Захаров– доруобуйаларынан хааччахтаах дьоҥҥо оҕунан ытыыга Арассыыйа сүүмэрдэммит хамаандатын чилиэнэ, оҕунан ытыыга РФ спорка маастара, Дойду хас да төгүллээх чемпиона. Леонид Николаевич Спиридонов– СӨ физическэй культура уонна спорт министирэ. Нюргун Валерьевич Иванов– өрөспүүбүлүкэтээҕи адаптивнай физическэй культура уонна спорт киинин дириэктэрэ, Арассыыйа Паралимпийскай кэмитиэтин Саха сиринээҕи салаатын бэрэссэдээтэлэ. Николай Гаврильевич Цыпандин– XV «Дьулуур» спорт адаптивнай көрүҥнэригэр Спартакиада сүрүн судьуйата. Василий Андреевич Оленов– өрөспүүбүлүкэтээҕи адаптивнай физическэй култуура уонна спорт киинин чэпчэки атлетикаҕа тренерэ. Александр Михайлович Жирохов– «Хамсаныы - Олох» мэдиссиинэ кэлим социальнай-реабилитационнай киинин дириэктэрэ. Иван Петрович Черкашин– СӨ байыаннай дьайыы бэтэрээннэрин ассоциациятын бэрэссэдээтэлэ. Захар Гаврильевич Слепцов– Анал байыаннай дьайыы кыттыылааҕа, остуол тенниһигэр уонна олорон эрэ волейболга уһук илин призера, Аҕа дойдуну көмүскээччилэр Кубоктарын остуол тенниһигэр уонна буулдьанан ытыыга кыайыылааҕа. Биэрии кэмигэр ыалдьыттар инбэлииттэр уонна доруобуйаларынан хааччахтаах дьон адаптивнай спорду сайыннарыы, «Дьулуур» хамсааһын, ону кытта байыаннай дьайыы бэтэрээннэрин социальнай реабилитациялааһын уонна кинилэри спортка тардыһыннарыы, күүстээх санаалаах буолуу уонна кыайыыга итэҕэл туһунан кэпсээтилэр. Биэрии хатылааһынын бу ссылканан көрүөххэ сөп: https://vkvideo.ru/video-211137588_456266973?list=7ad5efddee2f8ffec2 Пресс служба «РЦАФКиС»