МААДЫРНЫҢ ЧЫРЫК АДЫНГА ХҮРЕШ — 20 июня 2026 г. в 11:04:59.192
МААДЫРНЫҢ ЧЫРЫК АДЫНГА ХҮРЕШ Бо хүн, В.С. Биче-оол аттыг хүреш стадионунга ТШО-га, тайбың чуртталгавыс дээш, хайыралыг бажын салган маадырывыс, гвардияның матрозу, Сат Начын Владимировичниң чырык адынга тураскааткан улуг мөгелер аразында республика чергелиг хүреш болуп эрткен. Хүрешти өөнүң ишти Сат Солаңгы Макаровна эртирген. 32 шыырак дээн мөгелер кончуг солун, чараш хүрежин көргүскен. Оларның аразында Тыва Республиканың Чаан мөгелери Сайын-Белек Түлүш - ТР-ның Чаан мөгези, Айдың Монгуш - ТР-ның Чаан мөгези баштаан 13 аттыг мөгелер киришкен. "Диңмит" дайынчы ыры бөлүү аян туткан концерт солун болган. Тыва Республиканың Дайынчыларның Авалар комитеди Сат Солаңгы Макаровнага өөрүп четтириишкин бижиин тудускан. Хүрештиң түңнелдери: 🥇Шүүлген мөге - Түлүш Сайын-Белек, ТР-ның Чаан мөгези. 🥈Үжүүрлешкен мөге - Ширижик Туметей, Сүт-Хөл кожуун Чаан мөгези. 🏅3-4 кирген мөгелер: - Оюн Тайлун, Таңды кожуун Начын мөгези, - Ондар Кайгал-оол, ТР-ның Хартыга мөгези, Сүт-Хөл. 🏅5-8 кирген мөгелер: - Ооржак Начын-Мерген, Хартыга мөге, Сүт-Хөл, - Самдан Бады-Маадыр, ТР-ның Начын мөгези, Улуг-Хем, - Монгуш Мерген, Таңды кожуун Чаан мөгези, - Кертик-оол Кежик, Өвүр кожуун. 🏅 Тускай шаңналдар: Тиилелгеже чүткүл - Монгуш Чингис, Сүт-Хөл, Чараш арга - Кертик-оол Кежик, Өвүр, Тергиин шииткекчи - Донгак Кайгал-оол Дүктүг-Кысович, ТР-ның Хартыга мөгези, Сүт-Хөл. Маргылдааны Спорттуң национал хевирлерин сайзырадыр төптүң тренер-башкылары, ажылдакчылары организастап эртирген. Хүрештен видео-материалдарны оон салыр бис.