Централизованная клубная система Пестречинского района
Образование · 26 июня 2026 г.
🤩👏Бүген Питрәч районы мәктәпләрендә чыгарылыш кичәләре уза 💫 — 26 июня 2026 г. в 14:05:59.866
🤩👏Бүген Питрәч районы мәктәпләрендә чыгарылыш кичәләре уза 💫 11 нче сыйныфны 196 укучы тәмамлый. Алар барысы да бердәм дәүләт имтиханнарын уңышлы тапшырган! 💯 БДИ нәтиҗәләре буенча 2 укучы максималь 100 балл җыйган: Кощак урта мәктәбен тәмамлаучы Адилә Хәмитова математикадан, ә Питрәчнең 1 нче И.А. Додосов исемендәге мәктәбен тәмамлаучы Илвина Гарипова рус теленнән имтиханны югары баллга тапшырган! 🥇 43 чыгарылыш укучысы медальгә ия булган: 29 — I дәрәҗә, 14 — II дәрәҗә. ⚡️ Быел Питрәч районы башлыгы Рәис Сөләйманов инициативасы белән районның аеруча югары нәтиҗәләргә ирешкән чыгарылыш укучылары акчалата сертификатлар белән бүләкләнде: «йөзбалльникларга» — 100 000 сумлык, медалистларга — 20 000 һәм 15 000 сумлык, фән олимпиадалары, республика спорт ярышлары һәм иҗади бәйгеләр җиңүчеләренә — 15 000 сумлык сертификатлар тапшырылды. Барлыгы район буенча 61 чыгарылыш укучысы шундый бүләккә ия булды! 💬 «Питрәч районы сезнең белән горурлана. Без сезнең олимпиадаларда, спортта һәм иҗатта ирешкән уңышларыгызны зур кызыксыну белән күзәтеп барабыз. Бүген мин сезгә, чыгарылыш укучыларына, мөрәҗәгать итәм! Артта — имтиханнарыгыз, алда — һөнәр сайлау һәм яңа, мөстәкыйль тормыш. Куркырга кирәкми, зур хыяллар корыгыз һәм үз алдыгызга иң амбициоз максатлар куегыз! Дөнья бик тиз үзгәрә, һәм нәкъ менә сез безнең киләчәгебезне билгелиячәксез. Киләчәктә кайда гына укысагыз яки эшләсәгез дә — сез һәрвакыт Питрәч районы өлеше булып калачаксыз», — дип билгеләп үтте Рәис Әхтәмович үзенең котлавында.