Биһиги уһуйааммытыгар ыам ыйын 27 күнүгэр, үөрэх сылын 2025 - 2026 түмүктүүр "Дьоллоох ... — 28 мая 2026 г. в 04:56:10.278
Биһиги уһуйааммытыгар ыам ыйын 27 күнүгэр, үөрэх сылын 2025 - 2026 түмүктүүр "Дьоллоох оҕо саас" отчуоттуур кэнсиэрэ олус сэргэхтик, кэрэхсэбиллээхтик ааста. Иитиллээччилэрбит бары көхтөөх кыттыыны ыллылар. Кэнсиэргэ төрөппүт кэрэтик киэргэммит саала иһин толордо. Бары үөрэ-көтө оҕолоро ыллыылларын - үҥкүүлүүллэрин көрөн үөрдүлэр, махтаннылар. Кэнсиэрт программатыгар сыл иһигэр араас куонкурустарга кыттан миэстэлэспит нүөмэрдэр киирдилэр. Ону тэҥэ саҥаны билбиттэрин эмиэ көрдөрөн төрөппүт сэҥээриитин ыллылар. Тэрээһин бу үөрэх сылын публичнай отчуотуттан саҕаланна: үөрэтии-иитии бары хайысхатынан ситиһиитин туһунан төрөппүттэргэ, ыалдьыттарга сырдатыллынна. Уһуйааммыт салайааччыта Сардана Гаврильевна, төрөппүттэргэ уонна бары кыттааччыларга барҕа махтал тылын тиэртэ. Ону тэҥэ уһуйааммыт олоҕор куруутун күүс-көмө буолар актыбыыс төрөппүттэргэ махтал сурук туттарда. Кэнсиэр бириэмэтигэр акция биллэриллибитинэн сибээстээн Атласовтар, Захаровтар дьиэ кэргэнтэн, Раиса Гаврильевнаттан, Фекла Дмитриевнаттан уонна уһуйааммыт выпускниктарыттан бэйэлэрин сэмэй кылааттарын туттардылар. Отчуоттуур кэнсиэрбитигэр кыттыыны ылбыт оҕолорбутугар, төрөппүттэрбитигэр, иитиллээччилэрбитигэр уонна көрөөччүлэрбитигэр махталбыт муҥура суох! Кэскилбит, кэнчээри ыччаппыт – оҕолорбут сайдалларыгар күүс – көмө буолар таһаарыылаах үлэбит үтүө түмүктээх буоллун, үгүс оҕону түмэ, сырдыкка сирдии турдун! 🥰❤️👏🏼👏🏼👍🏼