☀️☀️☀️
☀️☀️☀️ Бүгүн, иитээччилэрбит Марина Анатольевна, Галина Михайловна уонна Валерия Валерьевна оҕолорго уонна төрөппүттэргэ аһаҕас дьарык ыыттылар. ✂️🐟🌊 Марина Анатольевна бэлэмнэнии бөлөх оҕолоругар сыһыарыы дьарыгын ыытта. Оҕолор дьарыкка өҥнөөх кумааҕынан, уу долгунун кырыйан картоҥҥа сыһыардылар. Уонна кыра соболорун киэргэтэн, оҥорбут картоннарыгар сыбаатылар. Онон сабардамнаах хартыына буолан таҕыста. 🔢🐇🐿️ Иитээччи Галина Михайловна улахан бөлөх оҕолоругар ахсаан дьарыгын ыытта. Оҕолор дьыл кэмнэрин, нэдиэлэ күннэрин, геометрическай быһыылары хатылаатылар. Тииҥчээннэри уонна куобахчааннары туһанан 8 уонна 9 чыыһыла үөскээһинин чиҥэттилэр. 🌞🌞🌞 Иитээччи Валерия Валерьевна орто бөлөх оҕолоругар тыл сайдыытын дьарыгын ыытта. Бүгүн уһуйааммытыгар Саха күнэ буоларын сибээстээн, оҕолор сахалыы таҥастаах таҥнан кэллилэр. Дьарыкка иитиллээччилэрбит Саха норуоппут иһитин, хомуоһун дьэрэкээн уруһуйдаах хартыынаны көрөн хатылаатылар. Былыр дьон хайдах иһиттээхтэрин уонна туохтан оҥоһулларын биллилэр. ☀️☀️☀️ Төрөппүттэр аһаҕас дьарыкка кэлэн оҕолоро хайдах үөрөнэллэрин, иитээччилэр хайдах үөрэтэллэрин көрөн сэргээн бардылар. Кэлэн көрбүт төрөппүттэргэ улахан махтал!❤️🥰🤗